Partał TuzinFM i fond «Viartańnie» abviaščajuć novy siezon konkursu «Zaśpiavaj». Maładym muzykam prapanujecca zrabić vierš pieśniaju i atrymać u padarunak hrašovy pryz, zapis sinhłu, adukacyjnuju siesiju i solny kancert!
Da ŭdziełu ŭ konkursie zaprašajucca vykanaŭcy ad 16 da 30 hod. U vypadku muzyčnych hurtoŭ hetaje praviła taksama musić vykonvacca — uzrost udzielnikaŭ nie musić pieravyšać aznačany cenz. Dośvied i muzyčnaja adukacyja roli nie hrajuć. Buduć asabliva vitacca zajavy ad školnikaŭ starejšych kłasaŭ i studentaŭ pieršych kursaŭ. Termin padačy — da 21 kastryčnika ŭklučna.
Što treba zrabić
Pieśniu ź vierša. Arhanizatary pakazvajuć na prykładzie — jany prapanavali trom viadomym vykanaŭcam zrabić z adnaho i taho ž vierša pieśniu ŭ svaim styli za 3 hadziny. Voś što z hetaha atrymałasia.
Dzie ŭziać vieršy
Sioleta ŭdzielnikam konkursu prapanujecca napisać muzyku da adnaho ź vieršaŭ łaŭreataŭ i pieramožcaŭ litaraturnaj premii «Debiut» imia Maksima Bahdanoviča ŭ naminacyi «Paezija». Vybar bahaty — 25 paetyčnych zborniki.
«Knihi, adznačanyja na premii «Debiut» - heta paezija našych dzion, napisanaja tut i ciapier, akurat jana moža być asabliva suhučnaj z muzykaj našych dzion. Tamu my i prapanujem maładym tvorcam źviartacca da jaje», — kaža pradusar konkursu Siarhiej Budkin.
Jak buduć abranyja najlepšyja
Dasłanyja kampazicyi razhledzić žury z šaści asobaŭ, u jakoje ŭvojduć siabry arhkamitetu konkursu i zaprošanyja ekśpierty-muzyki. U vyniku hałasavańnia žury buduć adabranyja paŭfinalisty, jakija atrymajuć mahčymaść udzielničać u adukacyjnaj siesii. Krytery vybaru najlepšych: admietny vakał, aryhinalnaja muzyčnaja padača, harmaničnaje spałučeńnie muzyki i słova.
Paśla adukacyjnaj siesii projdzie žyvoje prasłuchoŭvańnie, pa vyniku jakoha buduć abranyja try finalisty konkursu, jakija atrymajuć mahčymaść zapisać pieśniu ŭ studyi i vystupić užyvuju pry padtrymcy viadomych vykanaŭcaŭ.
Paśla kancertaŭ budzie nazvany pieramožca premii, jaki atrymaje hrašovy pryz pamieram 1500 biełaruskich rubloŭ.
Historyja konkursu za dźvie chviliny
Kamientary