Śpiecyjalny karespandent «NN» Arciom Harbacevič atrymaŭ premiju za najlepšaje žurnalisckaje rasśledavańnie 2017 hoda
Biełaruskaja asacyjacyja žurnalistaŭ uznaharodziła łaŭreataŭ premii «Volnaje słova».
Pieramožcy byli nazvanyja ŭ piaci naminacyjach: infarmacyjnyja žanry, analityčnaja žurnalistyka, mastacka-publicystyčnyja žanry, žurnalisckaje rasśledavańnie, debiut.
Karespandent «Našaj Nivy» Arciom Harbacevič atrymaŭ pieršuju premiju ŭ naminacyi «Žurnalisckaje rasśledavańnie» za artykuł «Jak biełarusy pierapłačvajuć tysiačy dalaraŭ za biaspłatnyja apieracyi ŭ dziaržaŭnych klinikach».
Toje rasśledavańnie ŭskryła karupcyjnuju schiemu ŭ halinie achovy zdaroŭja, u vyniku jakoj działki nažyvalisia na ludziach.
Darečy, «Naša Niva» biare pieršyja premii ŭ hetym najskładanym žanry ŭžo 5-y hod zapar.
A Arciom Harbacevič pieramahaŭ u hetym žanry i letaś sa svaim inšym rasśledavańniem: «Biełaruskich školnikaŭ adpraŭlali ŭ Rasiju ŭ trenirovačnyja łahiery pad kiraŭnictvam nieanacystaŭ». A dva hady tamu jon staŭ pieramožcam u žanry «Mastacka-publicystyčnyja materyjały» ź videanarysam «Maryja i Saša: niejmaviernaja historyja kachańnia chvoraj na rak 18-hadovaj dziaŭčyny».
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary