Vajskovaja čaść adsudziła 860 rubloŭ u rajvykankama za nieprydatnaha da słužby sałdata
Pavodle rašeńnia suda adzin z rajonnych vykankamaŭ zapłacić 860 rubloŭ vajskovaj čaści ŭ Minskaj vobłaści. Akazałasia, rajonny kamisaryjat drenna abśledavaŭ chłopca i adpraviŭ jaho na słužbu. Praz paru miesiacaŭ jaho daviałosia kamisavać, ale na ŭtrymańnie sałdata byli patračanyja hrošy. Pra heta paviedamlaje prakuratura Minskaj vobłaści.
Prakuratura pačała pravierku z-za pryzyvu 20-hadovaha chłopca, jaki pa stanie zdaroŭja słužyć nie moh. Ale jaho pryzvaŭ rajonny vajenny kamisaryjat.
Užo padčas prachodžańnia terminovaj słužby sałdat skardziŭsia na zdaroŭje. Kamandavańnie častki adpraviła jaho na abśledavańnie ŭ stacyjanar, i kamisija pryznała nieprydatnym da słužby ŭ mirny čas. U vyniku radavoha praz dva miesiacy daterminova zvolnili ŭ zapas pavodle chvaroby.
«Pavodle zaklučeńnia Centralnaj vajennaj miedycynskaj kamisii, pryčynaj nieabhruntavanaha pryzyvu S. na terminovuju vajennuju słužbu źjaviłasia niapoŭnaje jaho abśledavańnie rajonnaj pryzyŭnoj kamisijaj», - raspavioŭ staršy prakuror adździeła prakuratury Minskaj vobłaści Dzianis Kuźniacoŭ.
Za pieryjad słužby v/č vypłaciła sałdatu hrošy, zabiaśpiečyła rečami i charčavańniem. U cełym, vydatki skłali 860 rubloŭ.
Zhodna z zakonam, miascovyja ŭłady (jakija stvaryli pryzyŭnyja kamisii) niasuć adkaznaść za škodu, pryčynienuju dziaržavie, z-za pryzyvu hramadzian, jakija nie mohuć słužyć pa stanie zdaroŭja abo inšych pryčynach.
Prakuratura źviarnułasia ŭ ekanamičny sud Minskaj vobłaści. Sud prysłuchaŭsia da dovadaŭ i vyrašyŭ spahnać z vykankama ŭ karyść v/č sumu naniesienaj škody, a taksama dziaržpošliny ŭ dachod biudžetu. Rašeńnie suda ŭžo ŭstupiła ŭ siłu.
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
-
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»2
Kamientary