Huawei razdała biaspłatnyja partatyŭnyja akumulatary ludziam u čarzie pa novyja ajfony z zapiskaj «Jany vam spatrebiacca»
U noč na 21 vieraśnia pierad Apple Store u Sinhapury źjaviłasia čarha ź ludziej, jakija žadajuć pieršymi atrymać smartfony iPhone XS i iPhone XS Max. Za niekalki hadzin da startu prodažaŭ da kramy pryjšli supracoŭniki kitajskaj kampanii Huawei, jakija pačali razdavać usim achvotnikam biaspłatnyja firmovyja partatyŭnyja akumulatary.
Usiaho padarunki atrymali bolš za 200 čałaviek. Košt akumulataraŭ na 10 000 mA•h — kala 60 dalaraŭ. Pakupniki novych ajfonaŭ adznačyli, što na kožnaj upakoŭcy byŭ nadpis: «Heta partatyŭny akumulatar. Jon vam spatrebicca. Padarunak ad Huawei».
Žurnalisty miarkujuć, što svajoj akcyjaj Huawei namiaknuŭ na nievialikuju jomistaść batarei ŭ novych ajfonaŭ. Na prezientacyi Apple nie raskryvała siaredni čas pracy navinak, adznačyŭšy tolki, što iPhone XS pracuje na paŭhadziny daŭžej, čym iPhone X, a iPhone XS Max — na paŭtary hadziny.
Paźniej ŚMI daviedalisia, što jomistaść batarei iPhone XS mienšaja, čym u letašniaha fłahmana: 2,658 mA•h suprać 2,716 mA•h u X-viersii. «Apple budzie kazać, što niemahčyma źmiaścić bolšy akumulatar u taki korpus. Ale Samsung udałosia ŭstalavać u Note 9 batareju na 4000 mA•h», — adznačyli ŭ Forbes.
-
Antarktyda maje «hravitacyjnuju dzirku». Što heta takoje i ci niasie pahrozu płaniecie?
-
«Jandeks Braŭzier» analizuje navat asabistyja paviedamleńni. Voś jakija źviestki źbirajuć braŭziery i čamu heta važna
-
Na karybskim vostravie vypraboŭvajuć inavacyjnuju sistemu chvalevaj enierhietyki i apraśnieńnia vady
Kamientary