Śpiavačka zapisała KLIP na pieśniu pra prablemy pravoŭ žančyn u Kyrhyzstanie. Zaraz joj pahražajuć adrezać hałavu
U pieśni «Kyz» («Dziaŭčyna») 19-hadovaja Ziere Asyłbiek śpiavaje pra toje, što nichto nie pavinien dyktavać dziaŭčynkam i žančynam, jak siabie pavodzić i jak apranacca. Razam ź joj u klipie źjaŭlajucca dziaŭčaty ŭ roznych uborach — ad chidžabaŭ i tradycyjnych kirhizskich sukienak da kupalnikaŭ.
Heta pieršaja pieśnia Ziere. Sam trek vypuścili dva miesiacy tamu, adnak aktyŭna abmiarkoŭvać jaho pačali tolki sa źjaŭleńniem klipa. Tyja, chto padtrymlivaje Ziere, fatahrafujucca ŭ bialiźnie i publikujuć foty ŭ fejsbuku.
Inšyja pahražajuć śpiavačcy raspravaj, śćviardžajučy, što kirhizskaj dziaŭčynie tak vyhladać nie naležyć. Jana vykładvaje skrynšoty pahroz, siarod jakich — abiacańnie «adrezać hałavu».
Ziere napisała zajavu ŭ pravaachoŭnyja orhany, a ŭ MUS skazali, što zrobiać usio nieabchodnaje, kab praduchilić napad.
Dyskusiju pačaŭ i baćka Ziere, Asyłbiek Žaadanbiekaŭ, jakoha suajčyńniki abvinavacili ŭ tym, što jon drenna vychavaŭ dačku. Toj u zvarocie na fejsbuku raspavioŭ, što choć ni jon, ni maci dziaŭčyny nie padtrymlivajuć zdymku ŭ bialiźnie, jon pavažaje vybar Ziere.
-
«Ja była tolki abałonkaj čałavieka». Kajli Minoŭh raskazała, jak u jaje druhi raz dyjahnastavali rak i jak jana nie chacieła pra heta raskazvać
-
«Jeŭrabačańnie» vyjhrała Bałharyja. Heta pieršaja pieramoha hetaj krainy ŭ historyi konkursu
-
Finlandyja, Danija, Narviehija. Abo Hrecyja ci Francyja? Top sioletniaha «Jeŭrabačańnia»
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary