Misija Mižnarodnaha valutnaha fondu praciahvaje pieramovy ŭ Miensku ab vydzialeńni Biełarusi kredytu ŭ 2 miljardy dalaraŭ.
Nahadajem, misija pačała pracu ŭ Miensku 27 kastryčnika i spačatku planavała zavieršyć pieramovy 6 listapada. Adnak potym praciahnuła svaju pracu. Kali budzie pryniataje rašeńnie adnosna kredytu Biełarusi, pakul nieviadoma.
«Misija praciahvaje pieramovy ź biełaruskimi ŭładami», — skazała supracoŭnica stałaha pradstaŭnictva MVF ŭ Biełarusi Julija Łyskova. Nijakich inšych padrabiaznaściaŭ u pradstaŭnictvie nie paviedamlajuć.
Adnak pieramovy jaŭna zaciahnulisia. Adzin z pradstaŭnikoŭ Nacyjanalnaha banku Biełarusi skazaŭ, što MVF maje standartnuju praceduru: jany dajuć kredyt na peŭnych umovach, jakija adnolkavyja dla ŭsich krain. Da prykładu, siarod patrabavańniaŭ — skaračeńnie biudžetnaha finansavańnia, liberalizacyja,
praviadzieńnie devalvacyi valuty.Maŭlaŭ, «heta nabor receptaŭ, jakija byli j 20 hadoŭ tamu». Biełaruski bok nastojvaje, što ekanomiki va ŭsich roznyja «i niama krainy, da prykładu, dzie devalvacyja dapamahła padniacca».
Tamu, pavodle pradstaŭnika Nacyjanalnaha banku Biełarusi, praciahvajecca rabočy abmien dumkami. Biełaruski bok užo vykłaŭ svaju pazycyju, «a jakoje rašeńnie jany prymuć, heta ŭžo prava MVF».
Kamientary