Vyrašyć prablemy Šatłandyi, źviazanyja z vychadam Vialikabrytanii ź Jeŭrapiejskaha sajuza, moža niezaležnaść. Pra heta zajaviła pieršaja ministarka Šatłandyi Nikoła Sterdžen, vystupajučy na źjeździe svajoj partyi, piša Radyjo Svaboda.
«Naša rašeńnie zastacca ŭ ES praihnaravana. Kampramisny płan šatłandskaha ŭrada dla zachavańnia adzinaha rynku adkinuty. Prośba ab udziele ŭ pieramovach (nakont Brexit) adchilenaja. Heta — nie partniorstva, heta — kantrol Vestminstera», — padkreśliła Sterdžen.
Jana dadała, što Łondan moža supraćstajać niezaležnaści Šatłandyi, ale nie moža admaŭlać prava rehijonu na vybar.
«Adzinaje rašeńnie — stać niezaležnaj krainaj», — adznačyła ministr.
Papiaredniaje hałasavańnie ab niezaležnaści ŭ Šatłandyi adbyłosia ŭ vieraśni 2014 hoda. Tady kala 55% šatłandcaŭ addali pieravahu idei zastacca ŭ składzie Złučanaha Karaleŭstva.
U 2016 hodzie bolšaść šatlandcaŭ prahałasavali za toje, kab zastacca ŭ ES.
Aficyjny dzień vychadu Vialikabrytanii z składu ES — 29 sakavika 2019, paśla hetaha pačniecca tak zvany «pierachodny pieryjad», jaki budzie doŭžycca da 2021 hoda.
Kamientary