«Što śpiavajecie?» — «Lito!» Voś tak prosta — adnym słovam «lito» — na Paleśsi nazyvajuć cykł abradavych piesień, u jakich znajšli adbitak zvyčai, pavierji i ŭjaŭleńni našaha naroda. Taksama nazyvajecca novy albom hurta Vuraj, viadomych papularyzataraŭ biełaruskaha folku.
«Lito» — heta bieražliva sabranyja, vyvučanyja, pieraasensavanyja i litaralna nanoŭ stvoranyja kalandarna-abradavyja pieśni biełaruskaha Paleśsia.
Siarhiej Doŭhušaŭ i Vuraj na praciahu 4 hadoŭ šukali ich u ekśpiedycyjach, znachodzili i nadavali kožnaj svajo admietnaje «vurajskaje» hučańnie.
«Ludzi sychodziać, pieśni źnikajuć, a nam chočacca dzialicca hetymi skarbami z usim śvietam, danosić paleskuju movu, miełodyi i teksty, jakim sotni hod», — kaža lidar hurta, falkłaryst Siaržuk Doŭhušaŭ.
Hukarežyseram dy saŭnd-pradziusaram alboma vystupiŭ naminant na «Hremi» Tomaš Rahuła (Polšča). Zapis adbyvaŭsia na varšaŭskaj TR-Studio i studyi Everest u Minsku pry ŭdziele polskaj skrypački Karaliny Matuškievič i aŭtentyčnaha hurta z Paleśsia «Vytoki».
Hrošy na zapis alboma muzyki sabrali praz kraŭdfandynh, dzie hurt atrymaŭ rekordnuju siarod muzyčnych prajektaŭ padtrymku.
Pradstaŭlajem vašaj uvazie Lito.
1 listapada ŭ kulturnym chabie OK16 adbudziecca kancertnaja prezientacyja alboma. Na scenie da Vuraj dałučacca hurt «Rada» (Minsk) i paleski kalektyŭ «Vytoki», kab pieratvaryć kancert u sapraŭdnaje paleskaje śviata.
Kamientary