U redakcyju rasijskaj «Novoj haziety» dasłali hałavu barana i pachavalny vianok. Da pasyłki prykłali cydułki: «Dzianis Karatkoŭ — zdradnik Radzimy!» i «Hałoŭnamu redaktaru «Novaj Haziety» z pryvitańniem Vam i Karatkovu», paviedamlajecca na sajcie vydańnia.
Tam adznačajecca, što vianok na adras redakcyi z cydułkaj Karatkovu dastavili ŭ sieradu, hałavu žyvioły — u čaćvier. «Palicyja pravodzić śledčyja mierapryjemstvy. Žyvioły — škada», — zajavili ŭ vydańni.
«U internecie raspaŭsiudžvajucca zakliki da fizičnaj raspravy nad žurnalistami, da redakcyi padkidvali złaviesnyja «padarunki», jakija simvalizujuć śmierć kankretnych ludziej. Ciarpieć padobnaje my nie majem namieru, tym bolš što vydatna ŭjaŭlajem, adkul zychodzić pahroza», — piša vydańnie.
Dzianis Karatkoŭ pracuje ŭ «Novaj haziecie» sa žniŭnia, jon — aŭtar rasśledavańniaŭ ab tak zvanaj pryvatnaj vajennaj kampanii Vahniera, jakija vychodzili ŭ pieciarburhskim vydańni «Fontanka», dzie jon raniej pracavaŭ.
«Śćvierdžańni ab tym, što «Novaja hazieta» nibyta raspaŭsiudziła dadzienyja rasijskich lotčykaŭ, jakija vajujuć u Siryi, čym padvierhła ich siemji niebiaśpieki, — prosta fejk. U nas naohuł nie było publikacyj na hetuju temu — ni ŭ haziecie, ni na sajcie», — havorycca ŭ zajavie vydańnia.
Jak paviedamiŭ Interfaksu staršynia redakcyjnaj rady «Novaj haziety» Dźmitryj Murataŭ, redakcyja źviarnułasia ŭ palicyju ŭ suviazi z pahrozami ŭ adras žurnalistaŭ.
«Havorka idzie ab vielizarnaj pravakacyi, jakaja viadziecca ŭ sietcy ludźmi, jakija, jak my ličym, papiarednie nabližany da tak zvanych internet-trolaŭ», — zajaviŭ jon.
Na jaho dumku, pravakacyja zładžanaja z metaj praduchilić publikacyju novych materyjałaŭ. «My hetym mierkavańniem padzialilisia z pravaachoŭnymi orhanami, naturalna, napisaŭšy adpaviednuju zajavu, i ŭ redakcyi pravodziacca aktyŭnyja mierapryjemstvy roznych siłavych struktur», — skazaŭ Murataŭ.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»
Kamientary