Biełarusi prapanujuć ustupić u Eŭrasajuz

tolki biez farmalnaha členstva. Eŭrakamisija prapanuje Biełarusi pahadnieńnie ab asacyjacyi i supolnym rynku. Dla hetaha krainie tre budzie pieraniać usie zakanadaŭčyja akty ES i pryznać verdykty Eŭrapiejskaha sudu. Biudžet Uschodniaha partniorstva składzie 2,1 młrd eŭra.

Jeŭrakamisija maje namier prapanavać šaści postsavieckim krainam, u tym liku Biełarusi, zaklučyć pahadnieńnie ab asacyjacyi i stvareńni novaj jeŭrapiejskaj ekanamičnaj zony, jakaja pavinna stać bazaj dla raźvićcia ahulnaha ŭnutranaha rynku.

Ciapierašniaja formuła Uschodniaha partniorstva — «27+5(6)». Paŭnavartasny ŭdzieł u im Biełarusi pakul pad pytańniem. Rašeńnie adnosna Biełarusi budzie prymacca viasnoj u zaležnaści ad demakratyčnaha prahresu krainy.

Svaim prajektam Jeŭrakamisija adkazvaje na inicyjatyvu Polščy i Šviecyi ab pašyreńni supracoŭnictva z Armienijaj, Azierbajdžanam, Biełaruśsiu, Hruzijaj, Małdovaj, Ukrainaj.

U prajekcie prapanovy Jeŭrakamisii zaznačajecca, što novyja pahadnieńni ab asacyjacyi buduć padobnyja na dakumienty, padpisanyja ź Litvoj i Polščaj pierad pašyreńniem ES u 2004 hodzie, ale nie buduć utrymlivać płanaŭ ab členstvie ŭ Jeŭrasajuzie. Miž inšym, pahadnieńnie zaklikana zajavić pra salidarnaść ES i pryznać jeŭrapiejskija pamknieńni krain Uschodniaj Jeŭropy.

Tak, pahadnieńnie praduhledžvaje stvareńnie adzinaj zony svabodnaha handlu dla raźvićcia ahulnaha ŭnutranaha rynku,

padobnaj na Jeŭrapiejskuju ekanamičnuju zonu, jakuju siońnia ES dzielić ź Isłandyjaj, Lichtenštejnam i Narviehijaj.

Jeŭrakamisija prapanuje adkryćcio vizavych centraŭ dla atrymańnia šenhienskich viz, pastupovaje spraščeńnie vizavaha režymu i źnižeńnie koštu viz, a ŭ doŭhaterminovaj pierśpiektyvie — uviadzieńnie biaźvizavaha režymu. Biudžet Uschodniaha partniorstva składzie 2,1 młrd. jeŭra, biez uliku straty 75 młn. jeŭra ad admieny viz.

Dla arhanizacyi enierhietyčnaj biaśpieki ŭ prapanovie praduhledžana padpisańnie miemaranduma, kab enierhietyčnaj transpartnaj sistemaj sumiesna mahli kiravać pastaŭščyki, tranzitnyja krainy i spažyŭcy.

Čakajecca, što 3 śniežnia prapanova Jeŭrakamisii budzie aficyjna abnarodavana, a 11 śniežnia — uklučana ŭ palityku ES na Jeŭrapiejskim samicie kiraŭnikoŭ krain abjadnanaj Jeŭropy. U červieni 2009 hoda prapanujecca pravieści samit Uschodniaha partniorstva, a potym pravodzić rehularnyja sustrečy čynoŭnikaŭ krain ES i Uschodniaj Jeŭropy.

Kankretnyja prapanovy pa napaŭnieńni Uschodniaha partniorstva Jeŭrakamisija prezientuje viasnoj 2009 hoda.

BiełaPAN

• 0
• 0
• 0
• 0
• 0
• 0
• 0
• 0