Insult maładzieje. U Biełarusi ŭ 2017 hodzie ad insultu pamierli 4,5 tysiačy čałaviek
Za minuły hod biełaruskija daktary dyjahnastavali insult u 33 tysiač čałaviek. 14% pacyjentaŭ pamierli, piša Radyjo Svaboda.
Hałoŭny pazaštatny specyjalist u neŭralohii Ministerstva achovy zdaroŭja Biełarusi Ludmiła Anackaja zaznačyła, što śmiarotnaść 14% adpaviadaje eŭrapiejskim standartam.
78% insultaŭ u Biełarusi zdarajecca paśla 65 hadoŭ. Va ŭzroście ad 65 da 80 hadoŭ insult pieranosiać kožnaja 5-ja žančyna i kožny 6-y mužčyna. Paśla 80 stanovišča vyraŭnoŭvajecca.
Praviła «załatoha času»
Zahadčyca neŭralahičnaha adździełu lakarni chutkaj dapamohi ŭ Miensku Julija Šabalina raskazała pra tak zvany «załaty čas» — heta termin ad 3 da 4 z pałovaj hadzin z momantu, kali zdaryŭsia insult. Zvarot da lekaraŭ mienavita ŭ hety čas najbolš spryjalny dla ačuńvańnia.
Pavodle lekaraŭ, apošnim časam insult istotna maładzieje. Tak, letaś u Miensku hetaja chvaroba vyjaŭlenaja ŭ maładych žančyn, najmaładziejšaj ź jakich byŭ usiaho 21 hod. Pavialičvajecca kolkaść insultaŭ i ŭ mužčyn, asabliva paśla 40.
Darožnaja mapa dla baraćby ź insultam
Kab damahčysia pośpiechu ŭ baraćbie ź insultami, u Biełarusi stvaryli admysłovuju darožnuju mapu. U kožnaj vobłaści isnuje nia mieniej za 5 mižrajonnych sudzinnych centraŭ. Mienavita tudy pryvoziać pacyjentaŭ ź insultami z usich kutkoŭ Biełarusi. Pryčym prahrama raźličanaja tak, što pacyjent pavinien być dastaŭleny ŭ sudzinny centar nie paźniej jak praz hadzinu paśla taho, jak u jaho dyjahnastavali insult.
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka13
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi77
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi7
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary