U Polščy zaharełasia stancyja Starlink, jakaja daje dostup da internetu va Ukrainie. Nie vyklučajuć dyviersii
Uviečary 23 vieraśnia na terytoryi naziemnaj bazavaj stancyi spadarožnikavaj suviazi Starlink u Voli-Kraboŭskaj Mazavieckaha vajavodstva adbyŭsia pažar. Hetaja infrastruktura zabiaśpiečvaje dostup da internetu dla značnaj častki Centralnaj i Uschodniaj Jeŭropy, u tym liku Ukrainy, paviedamlaje RMF24.
Pra pažar u ekstrannyja słužby paviedamiŭ uładalnik terytoryi, dzie raźmieščana abstalavańnie. Pavodle jaho słoŭ, zaharelisia anteny, a taksama byŭ paškodžany hienieratar. Pažarniki prybyli na miesca i patušyli ahoń.
Pavodle papiarednich vysnoŭ słužbaŭ, adnoj z mahčymych pryčyn mahło stać naŭmysnaje padpalvańnie raźmierkavalnaj pryłady. Razam z tym razhladajecca i viersija karotkaha zamykańnia ŭ elektryčnaj sistemie.
Na miesca zdareńnia nakiravali palicyjantaŭ z padraździaleńniaŭ previentyŭnaj słužby i supracoŭnikaŭ vajavodskaj kamiendatury. Pra incydent taksama paviedamili Ahienctvu ŭnutranaj biaśpieki i Centralnamu śledčamu biuro palicyi. Palicejskija techniki praciahvajuć źbirać i zamacoŭvać ślady na miescy pažaru, a raźmieščanuju pobač viosku patrulujuć supracoŭniki previentyŭnaj słužby.
Na terytoryi stancyi znachodzicca kala dziasiatka biełych anten u formie šaroŭ dyjamietram prykładna dva mietry. Usia terytoryja abniesienaja mietaličnaj aharodžaj.
Stancyja ŭ Vola-Kraboŭskaj razam z padobnym abjektam kala Koŭna ŭ Litvie zabiaśpiečvaje internetam značnuju častku Centralna-Uschodniaj Jeŭropy.
Ministr ličbavizacyi Polščy Kšyštaf Haŭkoŭski zajaviŭ, što šmat što śviedčyć na karyść viersii ab naŭmysnaj sprobie parušyć pracu stancyi. Jon adznačyŭ, što abjektam kiruje dziaržaŭny telekamunikacyjny apieratar Exatel, jaki ŭdzielničaje ŭ zabieśpiačeńni internet-biaśpieki i pieradaje internet u tym liku va Ukrainu.
Pa słovach Haŭkoŭskaha, adklučeńnie padobnych stancyj mahło b pryvieści da pierabojaŭ ź internetam, a ŭ vyniku paŭpłyvać, naprykład, i na pracu bankamataŭ. Ministr padkreśliŭ, što takija telekamunikacyjnyja pieradatčyki mohuć vyznačać, ci budzie internet u peŭnaj častcy Polščy, Jeŭropy abo Ukrainy.
Rasija moža hłušyć GPS. Navukoŭcy prapanavali alternatyvy, abaronka ŭžo vykarystoŭvaje niekatoryja ź ich, z časam jany mohuć raspaŭsiudzicca i na zvyčajnaje žyćcio
Nivodzin z novych spadarožnikaŭ, jakija prezientujucca jak rasijski anałah Starlink, pakul nie vyjšaŭ na naležnuju arbitu
Jašče dva spadarožniki z rasijskaha anałaha Starlink nie zmahli padniacca na svaju arbitu
Ukraina paprasiła Iłana Maska dazvolić vykarystańnie Starlink dla naniasieńnia ŭdaraŭ pa terytoryi Rasii na hłybiniu da 200 kiłamietraŭ
Ukraina nanosić udary pa rasijskich centrach kaśmičnaj suviazi. Što heta daje?
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka13
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi77
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi7
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary