Chiłary Klintan, eks-kandydat u prezidenty ZŠA i sapiernica Trampa na vybarach 2016 hoda, u intervju Recode nie vyklučyła mahčymaść svajho ŭdziełu ŭ nastupnych vybarach. Razam z tym adnaznačna kazać ab svaim vyłučeńni jana nie stała, adznačyŭšy, što ciapier całkam skancentravanaja na pramiežkavych vybarach 6 listapada.
«Hetyja vybary buduć vyznačać, ci sapraŭdy ŭ nas jość efiektyŭnaja sistema strymak i procivah, kab pryciahnuć hetuju administracyju da adkaznaści», - patłumačyła jana.
Kamientujučy mahčymaść svajho ŭdziełu ŭ prezidenckich vybarach 2020 hoda Klintan spačatku admoviłasia adkazvać na pytańnie, adnak pryznałasia: «Nu, ja b chacieła być prezidentam». «Ja nie źbirajusia navat dumać pra heta, pakul my nie projdziem praz vybary 6 listapada i nie ŭbačym, što zdarycca paśla ich. Ale ja maju namier zrabić usio, što ŭ maich siłach, dla taho kab damahčysia abrańnia pradstaŭnika Demakratyčnaj partyi ŭ Bieły dom», - dadała jana.
Kamientary