U paniadziełak krajaznaŭca Ihar Łapiecha i aktyvistka Nadzieja Krapivina abskardzili prysud Leninskaha rajonu Horadni, pavodle jakoha haradziencaŭ pakarali miljonnymi štrafami.
Ihar Łapiecha kaža, što padaŭ kasacyju ŭ abłasny sud u znak salidarnaści z Nadziejaj Krapivinaj. Pa jaho słovach, Edvard Dmuchoŭski, zvažajučy na «niesurjozny» pamier štrafu, ad kasacyi admoviŭsia. Ja nie čakaju ad sudu apraŭdalnaha verdyktu, kaža sp. Łapiecha.
Jon pryhadvaje pieršy sud, u časie jakoha, pa jaho słovach, sudździa ŭparta nie chacieła brać pad uvahu matyvacyju dziejańniaŭ abaroncaŭ drevaŭ, a taksama toj fakt, što vysiakańnie drevaŭ było niezakonnym. «Nas źvinavacili ŭ chulihanstvie, choć bolš heta ciahnuła na niesankcyjanavany pikiet» — miarkuje krajaznaŭca. Jon nie vyklučaje, što razhlad ichniaj skarhi taksama moža zaciahnucca.
Nahadajem, što 13 listapada adbyŭsia sud nad aktyvistam niezarehistravanaha ruchu «Za Svabodu!» Edvardam Dmuchoŭskim, krajaznaŭcam Iharam Łapiecham i aktyvistkaj Nadziej Krapivinaj, jakija 16 kastryčnika hetaha hodu byli zatrymanyja za sprobu pieraškodzić vysiakańniu hrabaŭ.
Sud Leninskaha rajonu Horadni pryznaŭ miascovych aktyvistaŭ vinavatymi ŭ drobnym chulihanstvie i niepadparadkavańni supracoŭnikam milicyi i pakaraŭ ich na ahulnuju sumu ŭ pamiery $1tys. E.Dmuchoŭski byŭ pryznany vinavatym u drobnym chulihanstvie i byŭ pakarany štrafam u pamiery 5 bazavych vieličyń (175 tys. rub.). I. Łapiechu i N. Krapivinu sud paličyŭ vinavatymi akramia taho i ŭ niepadparadkavańni supracoŭnikam milicyi, u vyniku čaho jany atrymali štrafy ŭ 30 b.v. (1.050 tys.) i 25 b.v. (875 tys.) adpaviedna. Viała praces sudździa Natalla Kozieł.
Varta adznačyć, što sprava haradzienskich abaroncaŭ drevaŭ mieła rezanans, a sam tema biazhłuzdaha i, jak śviedčać niekatoryja dakumenty, niezakonnaha vysiakańnia drevaŭ znajšła adlustravańnie ŭ hazecie «Sovietskaja Biełoruśsija».
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary