Ź inicyjatyvy Ihara Marzaluka i byłoha vice-premjera Anatola Kalinina Bychaŭski zamak uklučany ŭ Dziaržaŭnuju inviestycyjnuju prahramu na 2018 h. Pra heta było abjaŭlena jašče ŭletku 2017 h. Ale niejak zastałosia niezaŭvažanym dla šyrokaj hramadskaści, ci, prynamsi, dla mianie», — źviartaje ŭvahu ŭ fejsbuku historyk Mikoła Vołkaŭ.
«Hrošy na Bychaŭski zamak zakładzieny ŭžo ŭ hetym hodzie, tamu ŭžo zaraz musiać raspačacca pracy. Chočacca spadziavacca, jak maha bolš kaštoŭnaj aŭtentyki ŭdasca zachavać», — piša Mikoła Vołkaŭ.
Sapraŭdy, jak adznačała rajonnaje vydańnie «Majak Prydniaproŭja», u lipieni 2017 hoda Anatol Kalinin, jaki na toj čas źjaŭlaŭsia namieśnikam premjer-ministra Biełarusi, i deputat Pałaty pradstaŭnikoŭ, doktar histaryčnych navuk Ihar Marzaluk naviedali Bychaŭ.
Adznačałasia, što ŭ suviazi z padrychtoŭkaj prajekta dziaržaŭnaj prahramy «Kultura Biełarusi 2016—2020» dziaržprahrama «Zamki Biełarusi» była admienienaja. Tady byłaja rezidencyja Chadkievičaŭ i Sapiehaŭ zastałasia bieź finansavańnia. Adnaŭleńnie dźviuch viežaŭ, u jakich płanavali adkryć muziejnyja ekspazicyi, pa vialikim rachunku da kanca nie zaviaršyli.
Zakinuty zamak zakansiervavali, a vokny zamuravali. Patrebny byli dadatkovyja daśledavańni i raspracoŭka prajekta dla restaŭracyi. Ciapier pomnik architektury nabudzie druhoje žyćcio. U pieršuju čarhu rekanstrukcyja zakranie ścieny, dach, padmurki.
Ihar Marzaluk adznačyŭ tady, što va Uschodniaj Biełarusi Bychaŭski zamak — heta žamčužyna XVII stahodździa, vybitny pomnik architektury, stvorany ŭ styli hałandskich zamkaŭ. U 2013 hodzie tut pravodzilisia archieałahičnyja raskopki. Znojdziena 1700 indyvidualnych znachodak i 7 tysiač masavych artefaktaŭ. Vyjavili navat unikalnuju hieraldyčnuju plitku, jakaja naležała Janu Sapiehu.
Ciapier čytajuć
HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier3
Kamientary