Ničoha nadzvyčajnaha ŭ pryznačeńni Anatola Sivaka novym staršynioj Minskaha haradskoha vykanaŭčaha kamiteta niama. Pra heta zajaviła žurnalistam, adkazvajučy na pytańnie BIEŁTA, kiraŭnik Administracyi prezidenta Natalla Kačanava.
«Heta nijakaja nie nadzvyčajnaja situacyja. Horad Minsk dasiahnuŭ vielmi vysokaha ŭzroŭniu ŭ raźvićci. Jak pa naviadzieńni paradku, dobraŭparadkavańni, tak i pa vykanańni prahnoznych pakazčykaŭ sacyjalna-ekanamičnaha raźvićcia. Tut samaja vysokaja zarabotnaja płata, skancentravana vialikaja kolkaść pracoŭnych resursaŭ. Płanka dosyć vysokaja. Ciapier hetuju pracu, jakaja pravodziłasia papiarednim kiraŭnikom, treba praciahnuć. I, viadoma, treba nadać novy impuls u raźvićci horada», — skazała kiraŭnik Administracyi.
U cełym jana adznačyła, što ŭ krainie viadziecca płanamiernaja rabota pa ratacyi kadraŭ, ich padbory i rasstanoŭcy. Heta robicca dla pierśpiektyŭnaha raźvićcia taho ci inšaha horada, rehijona, rajona abo haliny. Kiraŭnik Administracyi prezidenta udakładniła, što Andrej Šorac vyzvaleny ad pasady ŭ suviazi ź pieravodam na inšuju pracu.
U Minharvykankamie adrazu paśla kadravaha pryznačeńnia ŭ Łukašenki adbyłasia sustreča Natalli Kačanavaj z novym kiraŭnikom Minska Anatolem Sivakom i byłym meram Andrejem Šorcam, na jakoj abmiarkoŭvalisia pastaŭlenyja kiraŭnikom dziaržavy zadačy pa raźvićci stalicy.
Piać faktaŭ pra novaha mera Minska Anatola Sivaka
Łukašenka nazvaŭ hałoŭnyja pryčyny pryznačeńnia novaha mera Minska: Nadyšoŭ čas ustavić mazhi kiraŭnikam administracyj
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary