Łukašenka nazvaŭ hałoŭnyja pryčyny pryznačeńnia novaha mera Minska: Nadyšoŭ čas ustavić mazhi kiraŭnikam administracyj

Alaksandr Łukašenka nazvaŭ hałoŭnyja pryčyny adstaŭki Andreja Šorca i pryznačeńnia novym meram Minska Anatola Sivaka.

Pavialičyć

Pry pryznačeńni novaha staršyni Minskaha harvykankama kiraŭnik dziaržavy, jak pieradaje BiełTA, źviarnuŭ uvahu, što u 2019 hodzie Biełaruś budzie prymać II Jeŭrapiejskija hulni, a tamu Minsk treba padrychtavać da hetaha mižnarodnamu spartovaha forumu, zrabić jaho ŭtulnym i pryvabnym dla haściej, kab jany i ŭ budučyni pryjazdžali ŭ jakaści turystaŭ.

Pa-druhoje, Łukašenka ŭskłaŭ na mera Minska i ŭsiu viertykal ułady adkaznaść za budučyja parłamienckija i prezidenckija vybary. «My pavinny padyści da vybaraŭ tak, kab u rozumach ludziej navat nie było alternatyvy», — skazaŭ Łukašenka.

Pa-treciaje, jon źviarnuŭ uvahu na karupcyju, jakaja «bytuje ŭ horadzie» i na «ahromnistuju kiraŭničuju viertykal» u Minsku.

Kiraŭnik dziaržavy raskazaŭ, što niejki čas navat stajała pytańnie ab skaračeńni kolkaści administracyj u rajonach horada. Adnak na hety krok nie pajšli dziela zručnaści ludziej.

«Jany pryvykli vyrašać svaje pytańni tam. A voś mazhi ŭstavić kiraŭnikam administracyj i tym drobnym čynoŭnikam, što tam jość, treba», — padkreśliŭ Łukašenka.

Pa-čaćviortaje, pavodle jaho słoŭ treba padabrać na pasady ludziej, «kab jany byli z horada i viedali horad».

«Dumaju, što z mnohimi ŭ harvykankamie pryjdziecca rasstacca. Ale nie kryŭdzi ludziej, jakija addanyja dziaržavie i chočuć pracavać u horadzie razam z taboj. Času niašmat — try tydni. Treba razabracca i padumać, z kim budzieš pracavać, — skazaŭ kiraŭnik dziaržavy Anatolu Sivaku. — Chaciełasia b, kab kadry, jakija tabie pryjdziecca padbirać razam z kiraŭnikom Administracyi, kab jany byli z horada i viedali horad. Nie treba čyhunku, aŭtamabilny transpart, pavietrany i račny ciahnuć tudy za saboj. Dumaju, u ciabie dastatkova svaich dumak pra kadravuju palityku, i viedańnie ludziej, aŭtarytet dapamohuć tabie padabrać i prapanavać na kirujučyja pasady abo pryznačyć tych ludziej, jakija buduć pracavać i vykonvać tyja zadačy, jakija treba».

Kiraŭnik dziaržavy asabliva padkreśliŭ, što nielha panizić ciapierašniuju płanku ŭ raźvićci horada: «Minsk u nas dahledžany, cudoŭny, pryhožy horad. Treba nadać naležnuju dynamiku».

Što tyčycca Andreja Šorca, to pavodle Łukašenki «prybavić tak, jak heta treba, jon nie moža». Jon budzie pieraviedzieny na inšuju pasadu.

• 0
• 0
• 0
• 0
• 0
• 0
• 0
• 0