Homielskaja aktyvistka «Maładych demakrataŭ» Alena Łuckovič u listapadzie daviedałasia, što jaje šukaje milicyja pa padazreńni ŭ kradziažy, siłaviki navat apublikavali videa z kamier nazirańnia «Jeŭraopta». Tady žančyna tolki paśmichnułasia — maŭlaŭ, vysmaktanyja z palca abvinavačvańni, kradziažoŭ nie ździajśniała. A ranicaj 7 śniežnia da Łuckovič pryjšli pravaachoŭniki i pavieźli jaje ŭ sud.

Pryčym, śćviardžaje Łuckovič, u sud apieratyŭna padjechali dziaržaŭnyja ŚMI: žurnalisty BT i haziety «Homielskaja praŭda».
A sudziać Łuckovič jakraz za drobny kradziež, pa administratyŭnym artykule. Maksimalnaje pakarańnie — aryšt ci štraf u 30 bazavych.
Nahadajem, što na videa, jakoje raniej abulikavała milicyja, było bačna jak Łuckovič štości biare z košyka i kładzie ŭ svaju torbu. Ale što tam było dakładna, na zapisu nie bačna. Sama aktyvistka kazała, što nie pamiataje, heta byŭ hamaniec ci telefon, dakładna viedaje tolki, što ničoha nie krała.
Ciapier ža ŭ sudzie ŭsie śviedki pabačyli na videa kavałak syru, paviedamiła Łuckovič. Sama žančyna paprasiła, kab videa acanili ekśpierty, ale sud admoviŭ. U vyniku Łuckovič pryznali vinavataj i dali štraf u 7 bazavych (171 rubiel i 50 kapiejek).
Na sudzie ahučyli, što Łuckovič atrymała jašče ŭ vieraśni niejki štraf za kradziež. Sama jana paciskaje plačyma — nie viedaje, što heta było. Kaža, prosta atrymała takuju papieru. A štraf toj nie płaciła, bo ničoha nie krała.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi

Kamientary