Alaksandr Łukašenka ličyć niepradumanym pijaraŭskim chodam pytańnie ab mahčymaści stvareńnia ŭ Biełarusi rasijskaj avijabazy, jakoje padymałasia niekatory čas tamu. Pra heta jon zajaviŭ siońnia na sustrečy z pradstaŭnikami rasijskich ŚMI, piša BiełTA.
Kiraŭnik dziaržavy adznačyŭ, što ŭ ramkach Sajuznaj dziaržavy ŭ Biełarusi i Rasii isnuje vysoki ŭzrovień intehracyi, u tym liku ŭ vajennaj vobłaści. «U ADKB takoha niama. U nas tut zona adkaznaści ADKB u zachodnim kirunku. U nas raspracavany płan na vypadak abvastreńnia adnosin z NATA abo, nie daj boh, kanfliktu ci vajny. U ADKB ź inšymi dziaržavami hetaha niama. U nas vielmi hłybokaja intehracyja, až da vajennaj», — skazaŭ biełaruski kiraŭnik.
«Praŭda, spachabili ŭsio hetaj bazaj. Nikomu baza nie patrebna. Słuchajcie, budavać niejkuju bazu na starym aeradromie (z Pucinym my abmiarkoŭvali hetuju prablemu). Ja zadaju pytańnie: navošta? 3—4 chviliny — čas padlotu samalotaŭ z Rasii. Navošta na pieradavuju, kali tut vajna pačniecca, ciahnuć aeradrom? Adna rakieta — uźlotna-pasadačnaja pałasa nieprydatnaja. Heta byŭ niepradumany pijaraŭski chod — voś, my bazu tut raźmieścim», — zajaviŭ Alaksandr Łukašenka.
Kamientary