12 śniežnia sud Iŭjeŭskaha rajona (Hrodzienskaja vobł.) paŭtorna razhledzić spravu ab pryznańni ekstremisckim žnivieńskaha numaru niezarehistravanaj haziety «Svaboda».
Pačatak sudovaha słuchańnia pryznačany na 16.00. Pa papiarednich źviestkach, sud budzie prachodzić u adkrytym režymie. Adras Iŭjeŭskaha rajonnaha suda: Hrodzienskaja vobł., h/p Iŭje, vuł. 1 Maja, 15. Telefon: (01595) 2-13-38.
Nahadajem, što 5 listapada Kalehija Hrodzienskaha abłasnoha suda admianiła rašeńnie suda Iŭjeŭskaha rajona, jaki z padačy načalnika ŭpraŭleńnia KDB pa Hrodzienskaj vobłaści Ihara Siarhiejenki pryznaŭ ekstremisckimi materyjały, apublikavanyja ŭ žnivieńskim numary niezarehistravanaj haziety «Svaboda». Svoj vierdykt abłasnyja sudździ abhruntavali tym, što rajonny sud razhledzieŭ spravu z parušeńniem praduhledžanaj zakonam pracedury — pry adsutnaści ŭsich zacikaŭlenych bakoŭ.
Raniej, 9 vieraśnia 2008 hoda, sud Iŭjeŭskaha rajona (sudździa Alaksandr Toŭścik) uhledzieŭ prykmiety ekstremizmu ŭ źmieście artykułu «Vajna ŭ Hruzii», apublikavanym u № 127 za 14-27.08.2008 «Svabody». Pavodle rašeńnia suda, 5 tysiač asobnikaŭ hetaha vypusku, jakija trapili ŭ ruki pravaachoŭnych orhanaŭ, padlahali źniščeńniu.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary