U Danii pryniaty zakon, jaki abaviazvaje paciskać ruku burhamistru padčas cyrymonii atrymańnia hramadzianstva. Novaje praviła ŭstupaje ŭ siłu z 1 studzienia, piša Mieduza.
Pa słovach parłamientaryjaŭ, jaho ŭvodziać z-za musulman, jakija praz relihijnyja mierkavańni admaŭlajucca cisnuć ruku pradstaŭnikam inšaha połu.
«Kali vy pryjazdžajecie ŭ Daniju, dzie isnuje tradycyja cisnuć adzin adnamu ruki ŭ znak pryvitańnia, to ihnaravać hetuju tradycyju niepavažliva. Kali chtości nie zdolny na taki prosty i adnaznačny žest, jamu niama čaho stanavicca hramadzianinam Danii», — cytuje The New York Times Marcina Chienryksana, člena parłamienta ad pravaj Dackaj narodnaj partyi, jakaja łabiravała pryniaćcie zakona.
Ministr imihracyi, intehracyi i žyllovaha budaŭnictva Danii, siabra kirujučaj libieralnaj partyi «Vienstrie» Inhier Stojbierh padtrymlivaje patrabavańnie ab pocisku ruki pry atrymańni hramadzianstva. Ministr paabiacała, što pradstaŭnikoŭ miascovych uładaŭ, jakija admoviacca vykonvać novy zakon, buduć karać štrafami.
Čytajcie. Danija budzie navučać dziaciej mihrantaŭ «dackim kaštoŭnaściam»
Čytajcie. Na ŭłasnym dośviedzie: Danija — samaja ščaślivaja kraina ŭ śviecie
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady23
Kamientary