Virtuozny bluz-hitaryst Alaksandr Rastopčyn daŭno žyvie ŭ Amierycy, ale jahonaja duša paklikała jaho zrabić nastalhičny dysk z muzykaj na biełaruskija temy.
Virtuozny bluz-hitaryst Alaksandr Rastopčyn daŭno žyvie ŭ Amierycy, ale jahonaja duša paklikała jaho zrabić nastalhičny dysk z muzykaj na biełaruskija temy.
Majstar bluzavaj hitary Alaksandr Rastopčyn prezentavaŭ u aryhinalnaj traktoŭcy 10 miełodyjaŭ, dobra znajomych kožnamu biełarusu.
Alaksandr Rastopčyn (www.rastopdesigns.com) ‑‑ virtuozny hitaryst lehiendarnych «Pieśniaroŭ» žyvie ŭ Amierycy šmat hadoŭ. Daje kancerty, vypuskaje dyski. Ale hety albom nie padobny na toje, što muzyka rabiŭ raniej. «Rodnaje» (www.rodnaje.com) — heta zusim nie nastalhičny ŭzdych i navat nie sproba asensavać historyju Biełarusi ŭ muzycy.
Heta prosta vandroŭka pa Biełarusi — vandroŭka pa zbłytanych kaardynatach času i prastory, dzie viechi — nie kiłamietry i nie daty, a maršy i valsy, ramansy i pałanezy. Usie jany byli pakinutyja nam na pamiać u rozny čas, ale ŭ adnoj kropcy prastory. Hetaja kropka — Biełaruś. Heta jaje historyja i jaje hieahrafija.
Tut, u hetym punkcie prybyćcia, Michał Kleafas Ahinski piša svoj pałanez «Raźvitańnie z Radzimaj» u kabiniecie, za voknami jakoha sialanki žurbotnym choram śpiavajuć «Kupalinku». Tut połk paŭstancaŭ, jakija śpiavajuć «My vyjdziem ščylnymi radami», prachodzić kala doma panienki, jakaja płača nad «Zorkaj Vienieraj». Tut huki «Pahoni» uryvajucca razam ź vietram u śviecki sałon, dzie muzycyruje Napaleon Arda. Tut niama padziełu na minułaje i budučyniu, tamu što razam z duchoŭnym himnam «Mahutny Boža» čutnyja huki budučyni — oda Bietchoviena «Da radaści», himn siońniašniaj Jeŭropy. I vostry pierac hitary Alaksandra Rastopčyna prymušaje vieryć u toje, što ŭsio mahčyma.
-
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)
-
Vyjšaŭ pierakład ramana Sašy Filipienki «Viartańnie ŭ Astroh»
-
«Naša Niva» vypuściła vialiki siužet pra zorku «Pieśniaroŭ» Leanida Bartkieviča
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty27
Kamientary