U Jeŭrasajuzie budzie zabaronieny prodaž lampačak napalvańnia. Takoje rašeńnie pryniali ministry enierhietyki ES.
U Jeŭrasajuzie budzie zabaronieny prodaž lampačak napalvańnia. Takoje rašeńnie pryniali ministry enierhietyki ES.
Z 1‑ha vieraśnia 2009 hodu budzie zabaronieny prodaž lampačak mahutnaściu 100 vat, a z 2012 hoda ŭ Jeŭrasajuzie prodaž zvyčajnych lampaŭ napalvańnia całkam spynicca. Tradycyjnyja lampački buduć pastupova vyvodzicca z užyvańnia.
Kamitet pry Jeŭrakamisii ličyć lampački napalvańnia nizkaefiektyŭnymi. Tolki 5 adsotkaŭ elektraenierhii idzie na śviatło, astatniaje marnujecca na vypracoŭku ciapłyni. Dziela ekanomii enierhii i abarony klimatu lampy napalvańnia buduć pastupova vyniatyja z handlovaj sietki ES.
Kali ŭličvać termin žyćcia tradycyjnych lampačak (maksimum 3 hady), da 2015 hoda jany musiać całkam źniknuć ź ES. Žychary Jeŭrasajuzu piarojduć na enierhaźbierahalnyja krynicy aśviatleńnia, kštałtu hałahienavych, luminiescentnych i śviatłodyjodnych lampaŭ. Adnačasova za niekalki hadoŭ na vytvorčaść enierhazachoŭvajučych lampaŭ budzie pieraviedziena i pramysłovaść.
Enierhaźbierahalnyja lampy novaha pakaleńnia spažyvajuć na 65‑80% mienš enierhii. Ź ich dapamohaj ES zmoža zekanomić ad 5 da 10 miljardaŭ jeŭra ŭ hod. Siaredniaja jeŭrapiejskaja siamja dziakujučy enierhaaščadnym lampam źnizić vydatki na elektryčnaść na 50‑100 jeŭra ŭ hod.
Novyja vidy aśviatleńnia kaštujuć daražej, čym lampy napalvańnia, ale pry hetym jany spažyvajuć mienš elektraenierhii, a «žyvuć» bolej.
JAS, pavodle EnergyLand.info
Kamientary