Dyrektar ahienctva papsavaŭ klimat

Samaja maštabnaja PR‑kampanija Biełarusi ŭ spravie pryciahnieńnia inviestaraŭ, niadaŭna praviedzienaja ŭ Łondanie, paciarpieła fijaska.

Skandał, jaki na minułym tydniem pačaŭsia ŭ Minsku, ułady ŭsim siłami sprabujuć schavać, ale

hrech nie schavaješ u miech, i ŭ bałota nie ŭtopčaš.

RUP «Nacyjanalnaje inviestycyjnaje ahienctva» było stvorana letam 2006 hodu. Adnym z asnoŭnych inicyjataraŭ stvareńnia staŭ načalnik upraŭleńnia mižnarodnaha inviestycyjnaha supracoŭnictva Ministerstva ekanomiki Aleh Zinoŭjeŭ. Prasoŭvajučy ideju, jon zajaŭlaŭ pra toje, što zadačaj ahienctva budzie arhanizacyja luboha inviestycyjnaha prajektu, što nazyvajecca, pad kluč.

Pavodle zadumy A.Zinoŭjeva, jakaja była padtrymanaja ŭradam, ahienctva miełasia dapamahać biełaruskim pradpryjemstvam u pošuku inviestaraŭ, a zamiežnym kampanijam — u pošuku aptymalnaha inviestycyjnaha prajektu na terytoryi Biełarusi. Pryčym arhanizacyja pracy płanavałasia pavodle pryncypu «adno vakno». «Inviestaru nie daviadziecca biehać pa instancyjach, atrymlivać licenzii i dazvoły. Usio heta budzie rabić ahienctva», — zajaviŭ tady BIEŁTA Aleh Zinoŭjeŭ.

Karaciej, ideja — prosta cud dla ŭsioj krainy.

I sapraŭdy, pieršyja hady dziejnaści RUP «Nacyjanalnaje inviestycyjnaje ahienctva», jakoje, darečy, uznačaliŭ mienavita Zinoŭjeŭ, pakazała siabie z najlepšaha boku.

«Biełaruś płanuje štohadovaje praviadzieńnie inviestycyjnych prezientacyj, bo niekatoryja kampanii na inviestforumie ŭ Łondanie ŭpieršyniu dla siabie adkryli krainu, — skazaŭ pavodle vynikaŭ mierapryjemstva Aleh Zinoŭjeŭ. — Mahčyma, u nastupnym hodzie Biełaruś praviadzie inviestycyjny forum u Abjadnanych Arabskich Emiratach». Pavodle słovaŭ dyrektara RUP, Biełarusi jašče treba stvaryć efiektyŭnuju sistemu pracy z zamiežnymi inviestarami. Maŭlaŭ, krainie treba być bolš hnutkaj u schiemach inviestavańnia, a taksama raźvivać vienčurnaje i prajektnaje inviestavańnie.

I voś u kancy minułaha tydnia Upraŭleńnie infarmacyi i hramadskich suviaziaŭ MUS raspaŭsiudziła cikavuju infarmacyju.

«Supracoŭniki hałoŭnaha ŭpraŭleńnia pa baraćbie z karupcyjaj i bajcy śpiecparaździaleńnia pa baraćbie z teraryzmam «Ałmaz» zatrymali členaŭ arhanizavanaj złačynnaj hrupy, jakija sprabavali machlarskim šlacham zavałodać 3 młn eŭra zamiežnaha inviestara», — paviedamiła ahiencyi «Interfaks‑Zachad» načalnik UIOS MUS Śviatłana Baroŭskaja.

Zhodna ź jaje słovami, u kastryčniku hetaha hodu ŭ MUS Biełarusi źviarnuŭsia jeŭrapiejski biźniesmien, jaki inviestavaŭ 5 młn dalaraŭ u budaŭnictva biznes‑centru ŭ Miensku. «Zajaŭnik usumniŭsia ŭ prystojnaści svaich partnieraŭ i ŭkazaŭ na mahčymaje skradańnie imi ŭžo ŭkładzienych hrašovych srodkaŭ. U vyniku apieratyŭna‑pošukavych mierapryjemstvaŭ supracoŭniki milicyi vyjavili, što ŭkazanyja asoby sapraŭdy prysabiečyli hrošy zamiežnika. Schavaŭšy hety fakt, machlary harantavali jeŭrapiejskamu biźniesmienu dalejšuju paśpiachovuju pracu ŭ Biełarusi pry ŭmovie pieradačy im jašče 3 młn jeŭra. Dla hetaha złamyśniki padrychtavali adpaviedny pakiet niesapraŭdnych dakumientaŭ dla jurydyčnaha zamacavańnia kantrolu zamiežnika za prajektam u Minsku», — paviedamiła S.Baroŭskaja.

Hienieralnaja prakuratura sankcyjanavała praviadzieńnie apieratyŭnaha ekśpierymienta supracoŭnikami centralnaha aparatu MUS. U vyniku členy złačynnaj hrupoŭki byli zatrymanyja z paličnym pry atrymańni hrašovych srodkaŭ. «Hałoŭnym śledčym upraŭleńniem papiaredniaha rasśledavańnia MUS zaviedziena kryminalnaja sprava pa fakcie machlarstva ŭ asabliva vialikim pamiery, ździejśnienaha hrupaj asobaj. Idzie rasśledavańnie», — padkreśliła S.Baroŭskaja.

Hetuju infarmacyju pracytavali praktyčna ŭsie ŚMI i internet‑resursy, nie padazrajučy pra toje, što samaje smačnaje MUS, jak zvyčajna, prychavała.

Usim im inkryminujecca ździajśnieńnie złačynstva, praduhledžanaha č.4 st.209 UK RB (machlarstva, ździejśnienaje arhanizavanaj złačynnaj hrupaj u admysłova bujnym pamiery).

Viadoma, da zakančeńnia rasśledavańnia jašče daloka, i jano moža skončycca poŭnym apraŭdańniem usich fihurantaŭ spravy. U Biełarusi byvała i nie takoje. Ale sutnaść nie ŭ tym, ci siaduć usie troje padazravanych. Jakija b ni byli vyniki rasśledavańnia i nastupnaha razhladu spravy ŭ sudzie, ad fundatara da fundatara ŭžo pačała iści infarmacyja ab tym, jak hałoŭny ŭ Biełarusi inviestycyjny dziejač zarablaje sabie na staraść. Vysnovy ŭsie ŭžo dla siabie zrabili, niahledziačy na to, jak choraša my prapijarylisia ŭ Łondanie.

Ježiednievnik

• 0
• 0
• 0
• 0
• 0
• 0
• 0
• 0