Kali važna ŭsio: vybirajem sa cpiecyjalistkami pravilny kamplekt adzieńnia dla zaniatkaŭ sportam
Pry vybary adzieńnia my niaredka ŭ pieršuju čarhu kirujemsia jaje źniešnim vyhladam: nakolki jana adpaviadaje modzie, ci chavaje niedachopy i ci padkreślivaje stan… I tolki paśla ŭsiaho hetaha hladzim, z čaho jana zroblena i jak doŭha prasłužyć. Kali taki pryncyp jašče moža spatrebicca dla štodzionnaha adzieńnia, to dla spartyŭnaha źniešnija faktary hrajuć daloka nie pieršuju rolu: ad taho, nakolki kamfortna my siabie adčuvajem padčas treniroŭki, zaležyć jaje efiektyŭnaść.
Razabracca z tym, jak vybrać spartyŭnaje adzieńnie tak, kab heta było nie tolki pryhoža, ale i funkcyjanalna, dapamahajuć trienierka Lera Kazakievič, a taksama stylistka i piersanalnaja šop-kansultantka Hanna Čarniaŭskaja.
Fason i pamier majuć značeńnie
Usio spartyŭnaje adzieńnie pavinna być pa pamiery (ni na vyrast, ni na vypadak pachudańnia). Jašče lepš, kali abrany vami kamplekt zusim nie budzie adčuvacca, bo pry vykanańni praktykavańniaŭ važna skancentravacca na svaich fizičnych adčuvańniach u ciele, a nie na tym, što niedzie mulaje ci źlataje.
Majka i łasiny
Pažadana, kab trenirovačnaja adzieńnie maksimalna prylahała da cieła: tak vaš trenier (dy i vy sami ŭ lusterku) lohka zmožacie nazirać, jakija ciahlicy ruchajucca. U pačatkoŭcaŭ ciahličnyja adčuvańni nie mocna raźvity, tamu zaŭsiody važna abapiracca na zrokavy kantakt sa svaim ciełam, a ŭ «miašku» heta niemahčyma.
Taksama adzieńnie ŭ ablipku lepšaje dla vašaj biaśpieki, pakolki zanadta svabodnyja spartyŭnyja štany abo majka mohuć patrapić u miechanizmy trenažoraŭ i treniroŭka moža skončycca albo dzirkaj, albo ŭ horšym vypadku traŭmaj.
Vybirajučy łasiny, addajcie pieravahu madelam z vysokaj pasadkaj.
Top/bra
Heta, viadoma, nie samy zručny elemient žanočaha harderoba, ale treba pastaracca vybrać taki, kab jon nie naciraŭ vobłaść padpach, nie zdušvaŭ i nie pieraciskaŭ hrudnuju kletku, jakaja padčas dychańnia bolš aktyŭna raździmajecca i zvužajecca, čym u štodzionnym žyćci.
Dziaŭčatam ź vialikimi hrudźmi lepš vybirać bra z čaškami: jany vydatna ŭtrymajuć hrudzi na miescy i źbierahuć ich ad raściažak abo defarmacyi. A dziaŭčatam z hrudźmi pamieniej možna abyścisia spartovym topam u ablipku, jaki prosta pryciśnie biust da hrudnoj kletki.
Materyjał i skład
Zabudźciesia nazaŭždy pra bavaŭnianuju tkaninu, pakińcie jaje dla čaho zaŭhodna, ale sapraŭdy nie dla trenirovak, bo zvykłaja nam «bavoŭna zaŭsiody i paŭsiul» absalutna nie stvorana dla aktyŭnych ruchaŭ i pavyšanaha potavydzialeńnia.
Adzieńnie z takoha materyjału chutka hublaje formu i koler, mamientalna vyjaŭlaje prykmiety vašaj aktyŭnaści na treniroŭcy nie tolki pa vyhladzie, ale i pa pachu. Bavaŭnianaja tkanina doŭha sochnie. I ŭ rešcie rešt ślady ad potu pad pachami, asabliva na biełych majkach, na takim materyjale zamučaješsia admyvać. Lepš addać pieravahu štučnym tkaninam: jany «razumniejšy», dziakujučy sučasnym technałohijam vytvorčaści.
Spartyŭnaje adzieńnie, u składzie jakoha jość takija materyjały, jak:
- ełastan / spandeks / łajkra, prasłužyć doŭha i ŭtrymaje pieršapačatkovuju formu i koler, a taksama daść mahčymaść ciełu dychać;
- poliestar i poliamid u składzie dazvolić adzieńniu chutka sochnuć i abyścisia biez prasavańnia;
- sapleks lohka adaptujecca pad formu cieła, padkreślivaje vartaści, chavaje niedachopy i prapuskaje pavietra;
- kułmaks — heta nie tolki pryjemnaja da cieła tkanina, ale i razumnaja, bo lohka advodzić i vyparvie vilhać z tkaniny, pakidajučy skuru suchoj.
Zvyčajna vytvorcy adzieńnia vykarystoŭvajuć niekalki vidaŭ materyjałaŭ adnačasova, naprykład: 1) poliamid + poliestar; 2) poliestar + spandeks; 3) poliestar + ełastan; 4) viskoza + ełastan + bavoŭna i h.d.
Usio pačynajecca z noh
Vybar abutku abumoŭleny tym vidam aktyŭnaści, jakim vy zajmajeciesia, bo ŭ štanhietkach daloka nie ŭciačeš. Ale jość ahulnyja ŭmovy, jakija pavinny vykonvacca pry vybary luboha spartyŭnaha abutku.
Vašy krasoŭki pavinny dobra fiksavać halenastop (borciki vysokija, ale nie dasiahajuć kostački, a karkas krasoŭka ćviordy i tryvały, važna taksama, kab naha nie boŭtałasia ŭ abutku, jak ałovak ŭ šklancy). Usio heta dapamahaje ŭtrymać nahu ŭ patrebnaj pazicyi padčas vykanańnia praktykavańniaŭ i źbierahčy ad raściažeńniaŭ i vyvichaŭ.
Padešva pavinna być ščylnaj: heta zabiaśpiečyć raŭnamiernaje raźmierkavańnie vahi na aporna-ruchalny aparat.
Kab paźbiehnuć niepryjemnaha pachu abo dziŭnych adčuvańniaŭ u nahach, u abutku abaviazkova pavinny być adtuliny, sietački, dzirački dla taho, kab naha dychała. Vuściłka — pažadana artapiedyčnaja, heta značyć z vypukłaściu va ŭnutranym baku stupni, asabliva na heta treba źviarnuć uvahu ludziam z płoskastupniovaściu i skryŭleńniem chrybietnika. A kali pa astatnich kryterach krasoŭki vas zadavalniajuć, to prosta pakłapaciciesia pra siabie i kupicie artapiedyčnuju vuściłku asobna ŭ śpiecyjalizavanaj kramie.
I samaje hałoŭnaje: pierš čym kančatkova vyznačycca z vybaram, jašče ŭ prymieračnaj paskačycie, pazhinajciesia i pakruciciesia ŭ adziežy, kab adrazu vyjavić momanty, dzie jana moža pieraciskać, šaravać abo praśviečvać.
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia6
Kamientary