Alaksandr Łukašenka sabraŭ na naradu ekanamičny błok krainy. Na mierapryjemstvie abmiarkoŭvajecca śpiektr pytańniaŭ — ad mižnarodnaha supracoŭnictva da pavyšeńnia efiektyŭnaści pracy asobnych pradpryjemstvaŭ, piša BiełTA
«Siońnia tradycyjnaja narada z ekanamičnym błokam našaj dziaržavy, jadrom jakoha źjaŭlajecca ŭrad. Pakolki pytańni, vyniesienyja na naradu, datyčacca i parłamienta, i Kamiteta dziaržkantrolu, Administracyi prezidenta, inšych struktur, my zaprasili siudy kiraŭnikoŭ (hetych dziaržorhanaŭ). Razhledzim niekalki zakonaprajektaŭ, jakija niepasredna buduć upłyvać na dziełavoje asiarodździe. Jany datyčacca i mižnarodnaha supracoŭnictva, uzajemadziejańnia ź Jeŭrapiejskim bankam rekanstrukcyi i raźvićcia, mytnych pytańniaŭ», — akreśliŭ tematyku u sustrečy kiraŭnik dziaržavy.
Akramia taho, urad unios prapanovy pa pavyšeńni efiektyŭnaści raboty asobnych pradpryjemstvaŭ. «Chaču nahadać: nijakich pabłažak być nie pavinna.
I chopić mnie ŭnosić prapanovy pa dziesiać razoŭ pa tych pradpryjemstvach, jakija raniej nie vykanali abiacanaje. Tolki paśla taho, jak (čarhovy raz nahadvaju) kiraŭniki (padobnych pradpryjemstvaŭ) pojduć u miescy nie nadta addalenyja, my budziem razhladać prapanovy ŭ druhi i treci raz.
A tak kiraŭnictva pradpryjemstvaŭ siabie vydatna adčuvaje. Pravalili abiacanaje, nie viarnuli kankretna hrošy ŭ biudžet ci inviestaru, a biudžet za ich pavinien zaraz płacić i adkazvać pa ich daŭhach. Treba było hetuju praktyk skončyć učora», — padkreśliŭ biełaruski kiraŭnik.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary