5 lutaha ŭ vakolicach vioski Bukča Lelčyckaha rajona zastrelili paznačanaha GPS-ašyjnikam vaŭka, jakomu vybirali imia ŭsioj krainaj, paviedamlaje «Voŭčy błoh».
Zastreleny voŭk byŭ samcom-adzinočkaj. Jamu było 3 hady. Da hetaha ŭzrostu vaŭki časta pakidajuć zhraju kab vybudavać svajo žyćcio, tamu my nie viedajem, ci pajšoŭ jon sa svaich rodnych miescaŭ u pošukach lepšaj doli, abo staŭ adzinym žyvym paśla palavańnia. U tym miescy, dzie jon žyŭ, kolkaść vaŭkoŭ była vielmi nizkaj, i jon nie ŭvachodziŭ u zhraju.
Miesiac tamu abjavili konkurs na vybar imia dla paleskaha vaŭka. Imia jamu vybirali ŭsioj krainaj: «Achova ptušak baćkaŭščyny» atrymała 660 zajavak. Kančatkovy vybar imia byŭ pryznačany na 10 lutaha. Navukoŭcy ž dali jamu palavoje imia Vasia.
Adnamu vaŭku vielmi składana palavać zimoj, tamu siłkavaŭsia jon padłaj. Daśledčyki znajšli troch łasioŭ, na jakich karmiŭsia hety voŭk. Adzin z łasioŭ byŭ zabity ludźmi, adzin, vierahodna, źbity mašynaj i jašče adzin zdabyty inšymi vaŭkami. Zastreleny voŭk taksama źjeŭ sabaku ŭ vakolicach adnoj ź viosak. Ale ŭ nasielenyja punkty jon nikoli nie zachodziŭ i viaskovych sabak nie čapaŭ.
Zabili vaŭka nočču 5 lutaha. Adbyłosia heta na poli ŭ vakolicach vioski Bukča Lelčyckaha rajona. Unačy 5 lutaha palaŭničym pastupiŭ zvanok ad miascovych žycharoŭ z paviedamleńniem ab źjaŭleńni vaŭka ŭ vakolicach vioski. Pa treku pieramiaščeńnia vaŭka navukoŭcy viedajuć, što heta byŭ pieršy «vychad» asobiny da hetaj vioski.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary