cana budzie dla Biełarusi krychu nižejšaja, čym heta atrymlivałasia pa pieršapačatkovym kantrakcie, zajaviŭ pradstaŭnik «Hazpromu».
U pačatku 2009 hoda cana na rasijski haz dla Biełarusi budzie vyšejšaja za ciapierašniuju (127,9 dołara za tysiaču kubamietraŭ), ale zatym budzie źnižacca,zajaviŭ aficyjny pradstaŭnik «Hazproma» Siarhiej Kupryjanaŭ 27 śniežnia ŭ efiry radyjostancyi «Echo Moskvy».
«Budzie cana pieršaha kvartała, jakaja potym budzie panižacca.
Ja ciapier nie hatovy kamientavać paramietry, u 2,5 ci 3 razy, pa formule budzie raźličvacca.Ale cana budzie na praciahu hoda, sapraŭdy, źnižacca», — skazaŭ S.Kupryjanaŭ.
Pradstaŭnik «Hazpromu» nahadaŭ, što dva hady tamu ź Biełaruśsiu byŭ padpisany piacihadovy kantrakt, jaki mieŭ na ŭvazie pierachod na vyznačeńnie cany «nie šlacham štohadovych pieramoŭ, a pa formule, jakaja źviazana z canoj našych praktyčnych pastavak u jeŭrapiejskija krainy za minuły hod; na padstavie hetych cen pa formule vyličvajecca cana pieršaha kvartała budučaha hoda, jakaja potym, na praciahu hoda, kožny kvartał karektujecca ŭ zaležnaści ad taho, jak mianiajucca ceny na naftapradukty na suśvietnych biržach».
«Dla 2007, 2008 i 2009 hadoŭ byli praduhledžanyja peŭnyja panižalnyja kaeficyjenty, jakija ŭ adpaviednaści z kantraktam na 2009 hod składajuć kaeficyjent 0,8, a taksama jość peŭnyja abmiežavańni, źviazanyja sa źmianieńniem cany na praciahu hoda.
Jana nie moža mianiacca zanadta mocna. Zadadzieny peŭny kalidor, u jakim jana moža mianiacca.Ciapier, kali ceny padajuć, jany [biełaruski bok] ŭbačyli, što heta ihraje ŭžo suprać ich. Vakoł hetych abmiežavańniaŭ hetych kaeficyjentaŭ i išła razmova», — skazaŭ pradstaŭnik «Hazpromu».
«Jość damoŭlenaści ŭ dačynieńni da taho, što kantrakt dziejničaje, formuła dziejničaje, ale buduć niejkija karekciroŭki, — paviedamiŭ S.Kupryjanaŭ. — Jakija — my zmožam skazać, kali my padpišam adpaviednyja papiery.
Ale cana budzie dla Biełarusi krychu nižejšaja, čym heta atrymlivałasia pa pieršapačatkovym kantrakcie. My razumiejem, što važna nie tolki ŭstanavić canu, ale važna jašče i hrošy atrymać. Tamu i idziem na peŭnyja kampramisy».
Dla rasijskich spažyŭcoŭ cana hazu budzie na ŭzroŭni 1.900 rubloŭ (kala 65 dołaraŭ), aptovaja dla jeŭrapiejskich spažyŭcoŭ — 260‑300 dołaraŭ, paviedamiŭ S.Kupryjanaŭ. Na praciahu hoda, pavodle jaho słoŭ, košt hazu budzie źnižacca dla ŭsich jeŭrapiejskich spažyŭcoŭ.
23 śniežnia Alaksandr Łukašenka zajaviŭ, što na praciahu 2009 hoda cana na rasijski haz budzie źnižana ŭ 2,5‑3 razy.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary