U Minskim abłasnym sudzie ŭ treci raz stali razhladać spravu troch fanataŭ minskaha «Tarpieda», jakich zatrymali ŭ žniŭni 2017 hoda paśla bojki ŭ Staŭbcoŭskim rajonie.
Abvinavačanych zavuć Uładzimir Lišyk (34 hady), Michaił Miacielski (33) i Jaŭhien Bazyloŭ (31). Lišyk nidzie nie pracavaŭ na momant zatrymańnia, Bazyloŭ byŭ bankaŭskim rabotnikam, a Miacielski — pracavaŭ tokaram na STA. U apošniaha z zatrymanych jość žonka i dzicia.
Prakuror ahučyŭ viersiju abvinavačańnia. «Zaŭvažyŭšy «Mersedes» na trasie, Lišyk, jaki znachodziŭsia ŭ stanie ałkaholnaha apjanieńnia i pad dziejańniem narkatyčnych srodkaŭ, kinuŭ u aŭto šklanuju butelku i «prymusiŭ kiroŭcu spynicca». A paśla prypynku nanios adnamu z paciarpiełych nie mienš dvuch udaraŭ falšfiejeram i kinuŭ zapalenuju piratechniku ŭ sałon aŭto. Razam z Bazylovym jany trymali zadnija dźviery mašyny, nie dajučy paciarpiełym vyjści», — piša partał tut.by.
Miacielski ž u svaju čarhu akurat i zaŭvažyŭ hety «Miersedes» i «šlacham prośbaŭ i pierakonvańniaŭ schiliŭ da złačynstva». U vyniku dvoje mužčyn atrymali apioki I i II stupieni.
Pavodle apošniaha prysudu Lišyk atrymaŭ 9 hadoŭ źniavoleńnia, Bazyloŭ — 8,5, a Miacielski — 5,5. Paśla jany abskardzili prysud, što pryviało da pierarazhladu spravy.
Z fanatami «Tarpieda» salidaryzavalisia ultras Biełarusi, a taksama susiednich krain.
Kamientary