Redakcyja časopisa «ARCHE‑Pačatak» dniami atrymała adkaz z «Biełpošty» na prapanovu ŭznavić raspaŭsiud vydańnia praz adździaleńni i kijoski paštovaha pradpryjemstva.
U liście za podpisam načalnicy ŭpraŭleńnia raspaŭsiudu drukavanych ŚMI RUP «Biełpošta» Maryny Varabjovaj prapanujecca dasłać peŭny pieralik dakumientaŭ «dla vyrašeńnia pytańnia ab zaklučeńni damovy na 2009 hod». (Z padpisnych katałohaŭ časopis nie źnikaŭ.)
Pavodle hałoŭnaha redaktara «ARCHE» Valeryja Bułhakava, hetaha adkazu daviałosia čakać doŭha — jašče 20 listapada adnačasova byli nakiravanyja zvaroty ab supracoŭnictvie «Biełsajuzdruku» i «Biełpošcie».
««Biełsajuzdruk» adkazaŭ ciaham tydnia čarhovaj admovaj. Za podpisam dyrektara pradpryjemstva Ihara Dudziča paviedamlałasia, što «nie płanujecca» ŭ 2008 hodzie raspaŭsiud časopisa «ARCHE‑Pačatak» praz handlovuju sietku pradpryjemstva. Z «Biełpošty» adkazu čakali bolš. Choć, ščyra kažučy, my bolš spadziavalisia atrymać mahčymaść traplać da čytačoŭ praz hazietnyja šapiki», — raspavioŭ u hutarcy z pres‑słužbaj BAŽ V. Bułhakaŭ.
Cikavaja akaličnaść: list «Biełpošty», zarehistravany 15 śniežnia, byŭ adasłany tolki 26‑ha (pavodle paštovaha štampu) 27 śniežnia jaho atrymała redakcyja «ARCHE».
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary