Stała jasna, čamu Łukašenka čytaŭ navahodniaje vinšavańnie jak ź piatli dastaty.
Stała jasna, čamu Łukašenka čytaŭ navahodniaje vinšavańnie jak ź piatli dastaty.
Biełaruś pry svajoj chvalonaj stabilnaści zastajecca ekanamična słabym haspadarstvam. Jana 4-j ź jeŭrapiejskich krainaŭ devalvavała svaju valutu. Što ž – ni Vienhryja, ni Isłandyja, ni Ŭkraina nie spynili svajho isnavańnia jak dziaržavy. Łatvija vybrała stabilnaść valuty i režym strohaj ekanomii. Biełaruś addała pieravahu inšamu receptu. Nie ŭnikalnamu. My ž i tak viedali, što cudaŭ nie byvaje, praŭda? U tym liku i biełaruskaha ekanamičnaha. A kali zabylisia, dyk voś nam napamin, i MVF tut ni pry čym.
Paśla navahodniaj devalvacyi davier da haspadarčych zajavaŭ Łukašenki nadoŭha źnizicca, voś i ŭsia batlejka.
Ci tak strašnaja taja devalvacyja? Horka płačuć tyja, chto nabraŭ valutnyja kredyty. Ideołahi pierastanuć uspaminać płany rostu zarobkaŭ. Turfirmam para pieraklučacca nazad na Krym. Zatoje ŭzdychnuć z palohkaj eksparciory.
Adnak
devalvacyjaj turbulencyi nie skončacca.Devalvacyja – tolki adna z prajavaŭ taho, što ekanomika pajšła chodyram. Pieraacenka rubla padściabnie inflacyju. Inflacyja abumović rost zarobkaŭ dziela taho, kab strymać ludziej ad vychadu na vulicu. Rost zarobkaŭ iznoŭ vykliča cisk na zołatavalutnyja zapasy, jakija, – akazvajecca, pryŭkrasnaja markiza – u Biełarusi na 17-m hodzie niezaležnaści zastavalisia na niedapuščalna nizkim uzroŭni. I mała budzie prosta kredytaŭ, kab viarnuć mašynu ŭ narmalny chod. Tolki novy ŭźlot cenaŭ na naftu harantuje narmalizacyju. Sačycie za cenami na naftu – ad ich budzie zaležać los vašych stavak.
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary