Restaran-pivavarnia «Siabry» (vuł. Kulman, 40). Pačatak a 19.00.
Lehienda biełaruskaha roku, hurt «Krama» viartajecca paśla pierapynku: z novym hitarystam, novymi pieśniami, paznavalnym saŭndam i mocnaj prahramaj.
30 krasavika ŭ restaranie-pivavarni «Siabry» lehienda biełaruskaha roku syhraje vialiki kancert z pravieranymi chitami i novymi pieśniami. Jany pryadkryjuć tajamnicu, jak budzie hučać novy albom, jaki pabačyć śviet užo vielmi chutka.
Muzyki adśviatkujuć i dva jubilei: sioleta spaŭniajecca 25 hadoŭ kultavamu albomu «Hej, tam, nalivaj!» i pieršaj rok-karonie, jakuju «Krama» atrymała pa muzyčnych vynikach 1994 hoda na samaj pieršaj cyrymonii.
Da hurta dałučyŭsia novy hitaryst Andrej «Kraviec» Kraŭcevič,
viadomy pa kalektyvach The Stokes, Flammable, Top Gun i sumiesnym prajekcie ź Iharam Varaškievičam Los Bulbas.
«Z Kraŭcevičam usio atrymlivajecca vielmi naturalna i lohka! — dzielicca ŭražańniami niaźmienny lidar «Kramy» Ihar Varaškievič. — My ŭvohule nie damaŭlalisia, chto i što budzie hrać, a prosta pačali repietavać, i muzyka pakaciłasia, jak Rolling Stones))».
«Huk, biezumoŭna, źmienicca, i ja budu hrać na elektrahitary, — anansuje Varaškievič. — Hučać usio budzie macniej».
Novuju tanalnaść nabuduć i teksty, jakija da novych piesień stvaryŭ paet Fieliks Aksioncaŭ — aŭtar chitoŭ hurta ULIS «Plac Francyska», «Radyjo Svaboda», «Kraina doŭhaj biełaj chmary».
«Fieliks vypadkova adhuknuŭsia ŭ Facebook», — tłumačyć Ihar Varaškievič.
Paznavalnaja liryka Fieliksa Aksioncava, biezumoŭna, adbiłasia na novych pieśniach:
«Tvaram u bruk! — Bruk! Ales ist hut! — Hut! Bo pa bruku rušyć naš mahutny cuh», — pačujecie 30 krasavika ŭ novym treku «Palicejski rok-n-roł».
Kancert abnoŭlenaj «Kramy» projdzie ŭ restaranie-pivavarni «Siabry» (vuł. Kulman, 40) 30 krasavika, pačatak a 19.00.
Kvitki kaštujuć ad 25 da 35 rubloŭ (u kasach horada abo anłajn praz Kvitki.by i Ticketpro).
Infalinija: + 375 44 5517706, 29 8517706.
Zamova stolikaŭ: +375 29 396 58 58, 33 636 58 58, 17 396 58 58
Pryvatnaje pradpryjemstva «Kancert Anłajn» UNP 192400162
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary