Рэстаран-піваварня «Сябры» (вул. Кульман, 40). Пачатак а 19.00.
Легенда беларускага року, гурт «Крама» вяртаецца пасля перапынку: з новым гітарыстам, новымі песнямі, пазнавальным саўндам і моцнай праграмай.
30 красавіка ў рэстаране-піваварні «Сябры» легенда беларускага року сыграе вялікі канцэрт з праверанымі хітамі і новымі песнямі. Яны прыадкрыюць таямніцу, як будзе гучаць новы альбом, які пабачыць свет ужо вельмі хутка.
Музыкі адсвяткуюць і два юбілеі: сёлета спаўняецца 25 гадоў культаваму альбому «Гэй, там, налівай!» і першай рок-кароне, якую «Крама» атрымала па музычных выніках 1994 года на самай першай цырымоніі.
Да гурта далучыўся новы гітарыст Андрэй «Кравец» Краўцэвіч,
вядомы па калектывах The Stokes, Flammable, Top Gun і сумесным праекце з Ігарам Варашкевічам Los Bulbas.
«З Краўцэвічам усё атрымліваецца вельмі натуральна і лёгка! — дзеліцца ўражаннямі нязменны лідар «Крамы» Ігар Варашкевіч. — Мы ўвогуле не дамаўляліся, хто і што будзе граць, а проста пачалі рэпетаваць, і музыка пакацілася, як Rolling Stones))».
«Гук, безумоўна, зменіцца, і я буду граць на электрагітары, — анансуе Варашкевіч. — Гучаць усё будзе мацней».
Новую танальнасць набудуць і тэксты, якія да новых песень стварыў паэт Фелікс Аксёнцаў — аўтар хітоў гурта ULIS «Пляц Францыска», «Радыё Свабода», «Краіна доўгай белай хмары».
«Фелікс выпадкова адгукнуўся ў Facebook», — тлумачыць Ігар Варашкевіч.
Пазнавальная лірыка Фелікса Аксёнцава, безумоўна, адбілася на новых песнях:
«Тварам у брук! — Брук! Алес іст гут! — Гут! Бо па бруку рушыць наш магутны цуг», — пачуеце 30 красавіка ў новым трэку «Паліцэйскі рок-н-рол».
Канцэрт абноўленай «Крамы» пройдзе ў рэстаране-піваварні «Сябры» (вул. Кульман, 40) 30 красавіка, пачатак а 19.00.
Квіткі каштуюць ад 25 да 35 рублёў (у касах горада або анлайн праз Kvitki.by і Ticketpro).
Інфалінія: + 375 44 5517706, 29 8517706.
Замова столікаў: +375 29 396 58 58, 33 636 58 58, 17 396 58 58
Прыватнае прадпрыемства «Канцэрт Анлайн» УНП 192400162
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў26
Каментары