Dyskahrafija. Iz točki A, Go‑Records, 2008
Dyskahrafija. Iz točki A, Go‑Records, 2008.
Nietaropkaje Intro ciapier u modzie siarod alternatyŭnikaŭ. Mahiloŭski hurt taksama pačynaje ź viazkaha najhryša. Dalejšyja skavytańni dy narakańni na žyćcio (pieśni «Bried», «Ston») niejak zusim nie nastrojvajuć na dobry ład.
Sumna heta ŭsio dy niearyhinalna. Ale z kožnym nastupnym trekam Stiokla ŭsio bolš adkryvajucca. Dobry i pryjemny numar «Šahi», dzie vakalistka napoŭnicu demanstruje svaje vakalnyja mahčymaści, a muzyki śviedčać, što jany viedajuć, jak stvarać supierskija bałady (słušna — treba skrypačku ź vijałančellu pryciahnuć). Cudoŭnaje dvuchhałośsie ŭ biełaruskamoŭnym treku «Da serca»: niakiepskaja mova i niejmaviernaja enierhietyka (Maŭzier prosicca na bek!).
«Biezdna» — peŭna, samaja zapaminalnaja kampazicyja z dysku, toj vypadak, kali chočacca zrabić muzyku hučniej. Apošni ćvik — «Počiemu» — stylnieńka i zapaminalna dy jašče z etničnym prysmakam. U kamandy moža być vialikaja budučynia! Na hetym treba było b skančać, ale muzyki, vidać, vyrašyli dabić albom vośmym trekam‑bonusam. I ŭsio sapsavali małavartym muzyčnym žartam pra šmal i piva.
-
U Muziei Volnaj Biełarusi pakažuć 19 aryhinalnych litahrafij Napaleona Ordy
-
Cyrulnik i piśmieńnik Siarhiej Kalenda: «Jość ludzi, jakija kažuć: «Paśla takoj knihi ja b nie pajšoŭ da vas stryhčysia»
-
Na dziaržaŭnym telebačańni prahučała «Kupalinka» — jaje vykanaŭ sierbski ijeramanach, jaki šmat hadoŭ žyvie ŭ Biełarusi
Kamientary