«Čamu źnieśli 70 kryžoŭ, kali pretenzija była pa 13?»: Źmicier Daškievič padaŭ zajavu ŭ prakuraturu
Źmicier Daškievič padaŭ zajavu ŭ prakuraturu ŭ suviazi sa źniščeńniem 70 kryžoŭ, jakija pastaviŭ letaś razam sa svajmi siabrami na hrošy, sabranyja ludskoj hramadoj.
«Patrabuju ad prakuratury dać adkazy na hetyja pytańni i taksama paviedamić, dzie my možam zabrać 70 kryžoŭ, jakija naležać nie dziaržaŭnym vandałam, a ludziam, jakija źbirali na ich hrošy?» — piša Źmicier Daškievič.
Jon źviartaje ŭvahu na toje, što demantaž kryžoŭ prajšoŭ biez patrebnych dakumientaŭ i jurydyčnych rašeńniaŭ.
«Čamu 13 kryžoŭ la darohi Zasłaŭje — Kałodziščy byli źniščany za 15 sutak da vystaŭlenaj nam pretnzii? Čamu my nie mieli času abskardzić rašeńnie ŭ sudzie? A my b jaho abskardzili, bo zhodna z pastanovaj Minkulta №70 ad 1 śniežnia 2013 hoda ab zonach achovy miemaryjała Kurapaty: «Na terytoryi historyka-kulturnaj kaštoŭnaści dazvalajecca praviadzieńnie rabot pa ŭšanavańniu pamiaci achviar palityčnych represij» (punkt №9). I hetyja pracy pa ŭšanavańni pamiaci — ustaloŭku kryžoŭ — hramada rabiła 30 hod, pakul dziaržava Kurapaty ihnaravała», — zadajecca pytańniem Daškievič.
Kamientary