Pravaachoŭnyja orhany zacikavilisia repostam klipa Pussy niamieckaha hurtu Rammstein, jaki hrodzieniec Andrej Hałavienka zrabiŭ u sacyjalnaj sietcy Ukantakcie jašče ŭ 2014 hodzie, piša Hrodna.life.
Klip Andrej raźmiaściŭ na svajoj staroncy ŭ vieraśni 2014 hoda. Praz 4,5 hady, 21 sakavika 2019 hoda adździeł kulturałahičnych ekśpiertyz Dziaržkamiteta sudovych ekśpiertyz u ekśpiertnym zaklučeńni pryznaŭ klip zabaronienym da pakazu i raspaŭsiudžvańnia z-za najaŭnaści parnahrafičnych scen.
Na padstavie ekśpiertyzy, Hrodzienski mižrajonny adździeł Śledčaha kamiteta pastanaviŭ zavieści ŭ dačynieńni da chłopca kryminalnuju spravu pa č.2 art.343 KK (vyrab i raspaŭsiudžvańnie parnahrafii). Artykuł praduhledžvaje pakarańnie ŭ vyhladzie pazbaŭleńnia voli ad 2 da 4 hadoŭ.
Sam 25-hadovy Andrej ličyć, što heta niapravilna.
«Videa dadaŭ u 2014 hodzie i zabyŭsia pra jaho. Ja navat i nie viedaŭ, što za heta mohuć zavieści kryminalnuju spravu. Znajšli zapis, jaki ja zrabiŭ amal 5 hadoŭ tamu. Praviali ekśpiertyzu i zaviali kryminalnuju spravu. Ja liču, što heta nienarmalna», — raspavioŭ Andrej.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary