Праваахоўныя органы зацікавіліся рэпостам кліпа Pussy нямецкага гурту Rammstein, які гродзенец Андрэй Галавенка зрабіў у сацыяльнай сетцы Укантакце яшчэ ў 2014 годзе, піша Hrodna.life.
Кліп Андрэй размясціў на сваёй старонцы ў верасні 2014 года. Праз 4,5 гады, 21 сакавіка 2019 года аддзел культуралагічных экспертыз Дзяржкамітэта судовых экспертыз у экспертным заключэнні прызнаў кліп забароненым да паказу і распаўсюджвання з-за наяўнасці парнаграфічных сцэн.
На падставе экспертызы, Гродзенскі міжраённы аддзел Следчага камітэта пастанавіў завесці ў дачыненні да хлопца крымінальную справу па ч.2 арт.343 КК (выраб і распаўсюджванне парнаграфіі). Артыкул прадугледжвае пакаранне ў выглядзе пазбаўлення волі ад 2 да 4 гадоў.
Сам 25-гадовы Андрэй лічыць, што гэта няправільна.
«Відэа дадаў у 2014 годзе і забыўся пра яго. Я нават і не ведаў, што за гэта могуць завесці крымінальную справу. Знайшлі запіс, які я зрабіў амаль 5 гадоў таму. Правялі экспертызу і завялі крымінальную справу. Я лічу, што гэта ненармальна», — распавёў Андрэй.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары