Upieršyniu ŭ Biełarusi futbolny matč mužčynskich kamand absłuhoŭvała žanočaja bryhada sudździaŭ FOTY
20 krasavika raspačaŭsia čempijanat Biełarusi pa futbole siarod kamand druhoj lihi. Matč u Ivacevičach, dzie miascovaja kamanda sustrakałasia z «Horkami», byŭ admietnym tym, što jaho absłuhoŭvała całkam žanočaja sudździejskaja bryhada. Upieršyniu ŭ historyi biełaruskaha futbołu.
U ajčynnym sudździejskim korpusie usiaho kala dziasiatka dziaŭčyn, i tolki try ź ich: Alona Karaś, Volha Ciareška i Nastaśsia Dančanka — mohuć absłuhoŭvać matčy mužčynskich kamand. Tak źjaviłasia cełaja žanočaja sudździejskaja bryhada.
Volha Ciareška z Maładziečna — samaja viadomaja žančyna-arbitr u našym futbole. U jakaści hałoŭnaha sudździ jana moža absłuhoŭvać matčy pieršaj lihi, na matčach vyšejšaj lihi pracuje ŭ jakaści čaćviortaha arbitra. U 2017 hodzie absłuhoŭvała finał čempijanatu Jeŭropy pa futbole siarod dziaŭčyn uzrostam da 19 hadoŭ.
Alena Karaś sa Smalavič absłuhoŭvaje matčy pieršaj lihi ŭ jakaści pamočnika sudździ. Sioleta budzie pracavać na čempijanacie Jeŭropy siarod dziaŭčyn uzrostam da 17 hadoŭ.
Nastaśsia Dančanka ŭ hetym hodzie atrymała status mižnarodnaha pamočnika refiery FIFA. Absłuhoŭvała matčy žanočaha čempijanatu i matčaŭ dublujučych składaŭ vyšejšaj lihi.
U pačatku hulni futbolisty z Horak adkryli lik, ale paśla inicyjatyva ŭ hulni pierajšła da haspadaroŭ, jakija ŭ pieršym tajmie adyhralisia, a ŭ druhim zabili dva miačy i daviali matč da ŭpeŭnienaj pieramohi.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ15
Kamientary