Navalny znajšoŭ elitnuju nieruchomaść u supracoŭnika FSB z rasśledavańnia žurnalista Hałunova
Rasijski apazicyjanier Alaksiej Navalny apublikavaŭ rasśledavańnie pra padpałkoŭnika FSB Marata Miadojeva, jaki zhadvaŭsia ŭ suviazi sa spravaj žurnalista Ivana Hałunova. Aryštavany žurnalist Ivan Hałunoŭ zajaŭlaŭ, što źviazvaje svaju spravu z rasśledavańniem pra suviazi Miadojeva z pachavalnym biznesam.
Navalny na padstavie vypiski z Adzinaha dziaržaŭnaha rejestra nieruchomaści pakazvaje, što va ŭłasnaści ŭ Miadojeva znachodzicca kvatera płoščaj 200 kv. m u Maskvie koštam bolš za $3 miljony.
Jašče dźvie kvatery na vulicy Kazakova (dom 17/1 bud.1) pa 100 kv. m. za $460 tysiač. Adna ź ich aformlena na jaho baćku, inšaja — na syna. Na žonku padpałkoŭnika zapisanaja dvuchpaviarchovaja kvatera ŭ inšym domie na vulicy Kazakova (dom 27) płoščaj 180 kv. m koštam $1,2 miljona, adznačaje Navalny. Akramia taho, pa jaho danych, siamji Miadojeva naležyć niežyłoje pamiaškańnie płoščaj 948 kv m na vulicy Kazakova. Jano zdajecca ŭ arendu Maskoŭskaj aŭtadarožnaj inśpiekcyi.
Navalny vyśvietliŭ, što adna z dačok Miadojeva ŭ minułym pracavała ŭ meryi Maskvy, a niadaŭna pradała kvateru za $3,8 miljona. Aŭtapark siamji składajecca z šaści matacykłaŭ, troch Range Rover, dvuch Audi Q7, troch Mercedes, Porsche Cayenne i Lexus.
Žurnalist «Mieduzy» Hałunoŭ rychtavaŭ da publikacyi materyjał, u jakim fihurujuć supracoŭniki UFSB pa Maskvie i Maskoŭskaj vobłaści — kiraŭnik upraŭleńnia hienierał-pałkoŭnik Alaksiej Darafiejeŭ i jaho pamočnik padpałkoŭnik Marat Miedojeŭ. U hetym materyjale zakranałasia mahčymaja suviaź siłavikoŭ z rynkam pachavalnych pasłuh.
Žurnalista «Mieduzy» Ivana Hałunova zatrymali 6 červienia pa padazreńni ŭ zbycie narkotykaŭ. Rašeńniem suda 8 červienia Hałunova źmiaścili pad chatni aryšt. Žurnalist na pasiadžeńni suda raspavioŭ, što jamu pastupali pahrozy pry padrychtoŭcy rasśledavańnia pra rynak pachavalnych pasłuh.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž33
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»77
Kamientary