Miljony amierykancaŭ naŭściaž krainy zastalisia biez elektryčnaści, a mocnyja marazy praciahvajuć spažyvać plon čałaviečych achviar.
Miljony amierykancaŭ naŭściaž krainy zastalisia biez elektryčnaści, a mocnyja marazy praciahvajuć spažyvać plon čałaviečych achviar. Ale ŭ Vašynhtonie, abrany prezident i były sienatar ad paŭnočnaha štatu Ilinoj, paličyŭ za lepšaje jakraz pakpić, što «prymusić zamiorzłych vyšynhtoncaŭ być mocnymi, jak u chałodnym Čykaha».
Zaviei, što šalejuć pa ŭsioj terytoryi Złučanych Štataŭ, spryčynilisia da śmierci 23 čałaviek i pakinuli miljony damoŭ bieź śviatła i ciapła. Zavirucha pačałasia jašče ŭ paniadziełak. U Akłachomie i Kientuki zamiało darohi i jany pakrylisia ldom, što amal całkam sparalizavała darožny ruch.
U Ilinoi, Indyjanie i Ahajo bolš za 300 tysiač damoŭ zastalisia biez elektryčnaści. U Mičyhanie pad śnieham źmierzła da śmierci 8 čałaviek.
Internet‑staronka haziety «Ńju‑Jork Tajms» paviedamlaje, što prezident Barak Abama choć i ŭzhadaŭ niepahadź, ale ž abraŭ iraničny ton. U hutarcy sa pradstaŭnikami biznesu, jon vykazaŭ ździŭleńnie, što vučoba ŭ vašynhtonskich škołach admieniena. «Jak kaža maja 7‑hadovaja dačka», — skazaŭ Abama, — «U čykahskich škołach z pryčyny błahoha nadvorja vučoba nikoli nie admianiajecca». A dzieci navat u marazy vychodziać hulać».
Kamientary