Jak paviedamlaje Mogilevnews.by, u hulniavym kłubie na vulicy Leninskaj 30-hadovy mahiloviec abmianiaŭ biełaruskija rubli na arkušy papiery z dvuchbakovaj vyjavaj banknoty 200 jeŭra.
Supracoŭniki adździeła kryminalnaha vyšuku zatrymali 28-hadovaha biespracoŭnaha raniej nie asudžanaha hramadzianina Turkmienistana, jaki prapanavaŭ mahiloŭcu ździełku — 200 jeŭra abmianiać na 200 rubloŭ.
Mužčyna nastojliva pierakonvaŭ inšaha naviedvalnika kłuba, što idzie na takija abmiennyja straty tolki tamu, što jamu terminova patrebnyja hrošy dla hulni. Praź niekatory čas jon paprasiŭ abmianiać jašče adnu kupiuru, i davierlivy mahiloviec pahadziŭsia. Paśla, kali mužčyna adpraviŭsia ŭ bank, kab abmianiać jeŭra, jakija trapili da jaho ŭ ruki, jamu paviedamili pra toje, što hrošy nie źjaŭlajucca płaciežnym srodkam.
Pa słovach inšych naviedvalnikaŭ kłuba, u mužčyny ź jeŭra było šmat kupiur, i z hulniavoha kłuba jon vychodziŭ, trymajučy ich viejeram ŭ rukach. Ciapier jaho zatrymali.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary