«Park miedycyny» ŭ vieraśni adkryjuć u Partyzanskim pablizu Ślapianskaj vodnaj sistemy — nasuprać 6‑j balnicy i 14‑j palikliniki, pišuć «Minsk-Naviny».
— Park, jaki raźmiaściŭsia ŭ adnym z samych malaŭničych kutkoŭ rajona, maje ŭražlivuju płošču — 9,58 ha. Na hetaj terytoryi stvaryli razhalinavanuju sietku piešachodnych darožak praciahłaściu bolš za 4 km. Novaja zona adpačynku zajmaje 2,77 ha, — raskazali ŭ rajonnym «Zielanbudzie».
Rabotniki arhanizacyi kažuć, što prykłali niamała namahańniaŭ, kab pieratvaryć «Park miedycyny» ŭ zialony aazis.
— Tradycyjna prachodzić tvorčy konkurs «Najlepšaja łavačka ad pradpryjemstvaŭ Partyzanskaha rajona». Dziakujučy hetaj inicyjatyvie na terytoryi źjavilisia 23 aryhinalnyja łavački. Akramia taho, dadatkova zamianili jašče 21 taki pradmiet sadova-parkavaj mebli, — dadali ŭ rajonnym «Zielanbudzie».
Sport i aśvieta
Uzdoŭž prahułačnych maršrutaŭ raźmiaścili 27 infarmacyjnych stendaŭ na miedycynskuju tematyku.
Dla prychilnikaŭ aktyŭnaha adpačynku abstalavana spartyŭnaja zona. Śpiecyjalisty ŭstanavili dziesiać vuličnych trenažoraŭ, a taksama adramantavali najaŭnyja pryłady i dadali novyja na dziejučaj varkaŭt-placoŭcy.
Śpiecyjalna abstalavanych maršrutaŭ dla viełasipiedystaŭ u hetaj łakacyi nie praduhledžana, adnak chapaje darožak dla pierasoŭvańnia na ich.
Dla tych, chto šukaje adzinoty i cišyni, na krai adchonu ŭstanavili ŭtulnuju altanku. Ź jaje adkryvajecca cudoŭny vid na Ślapianskuju vodnuju sistemu.
Pierśpiektyvy
U Partyzanskim užo ŭparadkavali try ekaściežki — «Lasnoje voziera», «Sasnovy bor» i «Lasnoje carstva». U ahladnaj budučyni ŭ Partyzanskim sfarmirujuć jašče zonu adpačynku «Siamiejny adpačynak».
Dla junych naviedvalnikaŭ arhanizujuć hulniavuju placoŭku i ŭstalujuć interaktyŭnyja stendy, jakija dapamohuć dzieciam spaznavać śviet. Pastaviać areli ŭzdoŭž vady.
U zimovy pieryjad tut uparadkujuć śpiecyjalnuju placoŭku dla katańnia na sankach i ciubinhach.
Zaviaršyć pracy i prezientavać novuju zonu adpačynku płanujuć da 12 vieraśnia.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»88
Kamientary
[Zredahavana]