U apošni dzień studzienia ŭ minskich abmiennych punktach adznačany istotny rost kursu dalara.
U apošni dzień studzienia ŭ minskich abmiennych punktach adznačany istotny rost kursu dalara, jaki abumoŭleny pavyšeńniem aficyjnaj kaciroŭki amierykanskaj valuty z 2.722 da 2.752 rubloŭ.
U centralnaj častcy horada dalar kuplali pa 2.710—2.750 i pradavali pa 2.765—2.807 rubloŭ (pavodle rekamiendacyi Nacbanka, kamiercyjnyja banki ŭstanaŭlivajuć kurs valuty z adchileńniem nie bolš za 2% ad aficyjnaha). Kurs jeŭra skłaŭ ad 3.450 da 3.535 rubloŭ pry kupli i ad 3.570 da 3.650 rubloŭ pry prodažy. Rasijski rubiel banki kuplali ŭ nasielnictva pa 70,0—74,5 biełaruskaha rubla i pradavali pa 77,8—79,7.
Pavodle nazirańnia karespandenta BiełaPAN, kala abmiennych punktaŭ praktyčna niama čerhaŭ.Popyt i prapanova valuty varjujucca ŭ zaležnaści ad miesca raźmiaščeńnia abmiennaha punkta.
30 studzienia najaŭny dalar u Minsku kuplali pa 2.680—2.742 i pradavali pa 2.730—2.780 rubloŭ.
Za studzień kurs kupli najaŭnaha dalara ŭ staličnych abmiennych punktach vyras na 22,83%, prodažu — na 24,32%. Aficyjny kurs dalara pavialičyŭsia na 25,09%. U kancy śniežnia aficyjny kurs dalara byŭ nižejšy za najaŭnyja kursy nie tolki prodažu, ale i kupli. U kancy studzienia kursy kupli najaŭnaha dalara byli nižejšyja za aficyjnyja, a prodažu — vyšejšyja.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary