Niedarečnaje hrafici da Dnia piśmienstva ŭ Słonimie taki pierarablajuć na rodnuju movu. Unačy FOTA
Niedarečnaje hrafici da Dnia piśmienstva ŭ Słonimie taki pierarablajuć na rodnuju movu. Pryčym unačy. Fotafakt źmiaściła ŭ svaim instahramie miascovaje vydańnie «Hazieta Słonimskaja». Post sabraŭ 248 łajkaŭ za dźvie hadziny.
U vieraśni ŭ Słonimie adbudziecca Dzień biełaruskaha piśmienstva. Da śviata było stvorana hrafici z vyjavaj teatra, jaki ŭ XVIII stahodździ zasnavaŭ u horadzie Michał Kazimir Ahinski, svajak aŭtara pałaneza «Raźvitańnie z Radzimaj». Na hrafici namalavany budynak teatra, a pobač z malunkam — nadpis na ruskaj movie.
Piśmienstva biełaruskaje, a hrafici — ruskamoŭnaje? Žychary Słonima byli aburanyja i pačali prasić čynoŭnikaŭ vypravić niesupadzieńnie. 5 žniŭnia źjaviłasia pietycyja, dzie ludzi patrabujuć vypravić ruskamoŭny nadpis. Žychary kažuć, što Słonim i tak mocna rusifikavany: znak na ŭjezdie ŭ horad ruskamoŭny, nadpisaŭ pa-biełarusku niama i na tabło ŭ hramadskim transparcie…
Pietycyja chutka sabrała amal 800 podpisaŭ. Paralelna nieabyjakavyja hramadzianie adpraŭlali zvaroty naŭprost u rajvykankam.
Kamientary