Aktrysa Viera Palakova, čyj syn nie prajšoŭ u finał dziciačaha Jeŭrabačańnia: Heta dyviersija suprać mianie
Učora prajšoŭ adbor na dziciačaje «Jeŭrabačańnie». Siarod udzielnikaŭ byŭ i syn ministra zamiežnych spraŭ Uładzimira Makieja. Jon vystupaŭ u składzie hurta «Niasumny ŭzrost», jaki nie trapiŭ u dziasiatku finalistaŭ. Maci chłopčyka, aktrysa i televiadučaja ANT Viera Palakova, zastałasia niezadavolenaj i napisała ŭ sacsietkach aburany post.
«Što chaču skazać: kali takaja pavažanaja struktura [Biełteleradyjokampanija] biarecca za arhanizacyju pracesu, to i efiekt musić być adpaviedny… Ja dumaju, što navat niespakušany muzykaj čałaviek zrazumieje, što kali na praciahu 25 siekund fanić mikrafon, a chłopčykam vyvodziać huk praz try słovy paśla pačatku pieśni, to heta prosta treš», — napisała Viera Palakova.
Aktrysa zajaviła, što da adboru jany rychtavalisia paŭhoda i ŭkłali ŭ numar vialikija hrošy. Tamu raźličvali kali nie na pieramohu, to na hodny vystup.
«Ja nie mahu maŭčać pra toje, što robicca. I stamiłasia potym čyrvanieć za radzimu», — emacyjna kamientuje jana ŭ razmovie.
Prafiesijna zajmacca muzykaj jaje syn Arciom pačaŭ hod tamu.
«Dahetul vystupaŭ sa mnoj. U nas užo jość try klipy — dva solnyja i adzin u hurcie. U jaho jość łejbł «Ciomyč i kampanija». Bolš, kaniečnie, syn zajmajecca akciorskim majsterstvam — užo piaty hod, u teatry, u jakim ja vykładaju.
Jon nie z vulicy pryjšoŭ. Majo dzicia, dla taho kab paciahać čamadan na zadnim płanie na scenie (fiška, jakuju ja z chareohrafam prydumała), na 8 kh schudnieŭ — prosta dla taho, kab paŭdzielničać.
I ja hanarusia svaim dziciem na ŭsie tysiaču pracentaŭ!
Ale liču, što mianie padstavili ŭčora. Heta dyviersija suprać mianie kankretna — ja tak heta ŭspryniała, nie jak pamyłku, bo pamyłka mahła być trochsiekundnaja.
Paśla taho jak my adrepietavali, arhanizatary bačyli, kali, adkul, chto vychodzić i jaki tekst śpiavaje. Liču, heta vierch nieprafiesijanalizmu.
Upeŭniena, što na Jeŭrabačańnie vydatkovajucca hrošy ź biudžetu, i niemałyja. Tamu ich treba ŭkładać jak minimum u arendu aparatury, kali niama svajoj. A tut huk horšy, čym u mianie ŭ himnazii ŭ aktavaj zale».
U nastupnym hodzie, kaža Viera Palakova, kali budzie dobraja pieśnia, jaje syn znoŭ pasprabuje adabracca na Jeŭrabačańnie:
«I ŭ hety raz była krutaja pieśnia. I ja liču u nas byŭ samy prykolna zrobleny numar. Heta było niešta akciorskaje, dramatyčnaje, ni ŭ koha takoha nie było».
Jaŭhien Dudkin patłumačyŭ, čamu staŭ sakretnym ahientam KDB16
Kamientary