Prezident Ukrainy Uładzimir Zialenski napisaŭ u fejsbuku, što ŭmovaj dla viartańnia Rasii ŭ G8 źjaŭlajecca pieradača Kryma, vyzvaleńnie ŭkrainskich palitviaźniaŭ i aryštavanych marakoŭ, a taksama spynieńnie bajavych dziejańniaŭ na Danbasie.
«Viartańnie akupavanaha Kryma, spynieńnie bajavych dziejańniaŭ na Danbasie i vyzvaleńnie bolš za 100 palityčnych i ŭkrainskich marakoŭ, jakich utrymlivaje Kreml, stanie sapraŭdy surjoznym sihnałam śvietu pra toje, što Rasija hatovaja pryniać svajo miesca ŭ paradku dnia vysokaj dypłamatyi», - zajaviŭ Zialenski.
Pavodle jaho słoŭ, z sakavika 2014 hoda, kali členstva Rasii ŭ G8 było prypyniena, situacyja nie źmianiłasia - Krym tak i nie viarnuŭsia ŭ skład Ukrainy, a ŭ Danbasie pa-raniejšamu iduć bajavyja dziejańni.
Farmat «vialikaj vaśmiorki» isnavaŭ z 1998 hoda, u G8 ŭvachodzili Rasija, Vialikabrytanija, Hiermanija, Italija, Kanada, ZŠA, Francyja i Japonija. Paśla anieksii Kryma ŭ 2014 hodzie zachodnija krainy abviaścili ab spynieńni svajho ŭdziełu ŭ «vaśmiorcy» i pierachodu da farmatu G7, z tym ža składam, za vyklučeńniem Rasii.
Kamientary