Lidary levacentrysckaj Demakratyčnaj partyi Italii i papulisckaha Ruchu piaci zorak damovilisia ab farmiravańni kaalicyjnaha ŭrada. Pra heta zajaviŭ kiraŭnik Ruchu piaci zorak Łuidžy Dzi Majo, pieradaje Reuters.
Pavodle jaho słoŭ, było vyrašana, što Džuzepe Konte zastaniecca premjer-ministram.
«Palityčnaje pahadnieńnie z Demakratyčnaj partyjaj zaklučajecca ŭ tym, što Konte varta pakinuć mandat premjer-ministra, kab pasprabavać sfarmavać doŭhaterminovy ŭrad», — skazaŭ Dzi Majo.
Nahadajem, raniej Ruch piaci zorak byŭ u kaalicyi z nacyjanał-kansiervatyŭnaj partyjaj «Liha». Adnosiny pamiž partniorami pa kaalicyi istotna pahoršylisia padčas vybarčaj kampanii ŭ Jeŭraparłamient.
Na jeŭrapiejskich vybarach Liha abahnała partnioraŭ pa kaalicyi z 34% hałasoŭ, i tady Ruchu piaci zorak pryjšłosia damaŭlacca ab kaalicyi ź inšaj partyjaj.
Kamientary