U Hruzii premjeram moža stać ministr, suprać jakoha try miesiacy ładzilisia pratesty
Paśla adstaŭki premjera Mamuki Bachtadze ŭrad Hruzii moža ŭznačalić ministr unutranych spraŭ Hieorhij Hacharyja.
Mienavita adstaŭki Hacharyi patrabavali try miesiacy ŭdzielniki pratestaŭ u Tbilisi. Jany ličyli, što Hacharyja pavinien panieści adkaznaść za razhon mitynhu ŭ centry Tbilisi ŭ noč na 21 červienia. Pry razhonie akcyi, jakaja była spravakavanaja vizitam i vystupam u parłamiencie rasijskaha deputata Siarhieja Haŭryłava, paciarpieli 240 čałaviek.
Paśla taho jak było abvieščana, što Hacharyja moža zaniać pasadu kiraŭnika ŭrada, u Tbilisi padniałasia novaja pratestnaja chvala. Viečaram 3 vieraśnia apazicyja maje namier dałučycca da akcyi hramadzianskich aktyvistaŭ na praśpiekcie Rustavieli.
«Ciarpieć heta niemahčyma! Pradstaŭleńnie Hacharyja na pasadu premjer-ministra — heta plavok u naša hramadstva, uvieś apazicyjny śpiektr i ŭ tych ludziej, jakija 20 červienia abaraniali intaresy krainy. Apazicyja i hramadzianskaja supolnaść pavinna zrabić usio, kab nie adbyłosia zaćviardžeńnia Hacharyja na pasadu premjer-ministra. Ad uładaŭ my kateharyčna patrabujem źmianić hetuju kandydaturu i nie abvastrać supraćstajańnie», — cytuje słovy kiraŭnika Adzinaha nacyjanalnaha ruchu Hryhoła Vašadze newsgeorgia.ge
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»5
Kamientary