Pa dadzienych Dziaržaŭnaj słužby pa nadzvyčajnych situacyjach, u vyniku rasijskaha napadu na Kijeŭ u noč na 23 sakavika zahinuli dva čałavieki.
Ratavalniki paviedamili ab zahinułych u Dniaproŭskim i Hałosieŭskim rajonach stalicy.
Taksama ŭ viedamstvie raspaviali pra paškodžańni žyłych damoŭ paśla ŭdaraŭ BPŁA:
— Dniaproŭski rajon: likvidavany pažar płoščaj 100 kv.m na vierchnich pavierchach 9-paviarchoŭki. Zahinuła žančyna. Z domu evakujavanyja 27 čałaviek.
Pa inšym adrasie na 6-m paviersie 16-paviarchovaha doma paškodžana akno, padłoha i stol adnoj z kvater.
— Padolski rajon: likvidavany pažar na płoščy 20 kv.m na 20-m paviersie 25-paviarchovaha žyłoha doma.
— Hałosieŭski rajon: ratavalniki tušać pažar 4-paviarchovaha ofisna-składskoha budynka na płoščy 2000 kv.m. Likvidavana ŭzharańnie žyłoha vahončyka i hruzavych aŭtamabilaŭ na płoščy 60 kv. m. Zahinuŭ čałaviek.
— Šaŭčenkaŭski rajon: paškodžany 2 lehkavyja aŭtamabili, pieradaje pres-słužba ratavalnikaŭ.
Kamientary