Kiraŭniki MZS Biełarusi i FRH Siarhiej Martynaŭ i Frank‑Valter Štajnmajer abmiarkujuć adnosiny Biełarusi i ES
11 lutaha ŭ Bierlinie kiraŭniki MZS Respubliki Biełaruś i FRH Siarhiej Martynaŭ i Frank‑Valter Štajnmajer abmiarkujuć adnosiny Biełarusi i Jeŭrasajuza, a taksama aktualnyja rehijanalnyja i mižnarodnyja pytańni, paviedamlaje pres‑słužba MZS Hiermanii.
Adbudziecca taksama abmien notami dla padpisańnia pahadnieńnia ab azdaraŭlenčych pajezdkach biełaruskich dziaciej u FRH u ramkach prahramy dla paciarpiełych u vyniku avaryi na Čarnobylskaj AES.
Aprača taho, biełaruski ŭrad padpiša ŭstanoŭčyja dakumienty i stanie 76‑j krainaj‑členam Mižnarodnaha ahienctva pa adnaŭlajemych krynicach enierhii.
Mižnarodnaje ahienctva pa adnaŭlajemych krynicach enierhii (International Renewable Energy Agency — IRENA) było zasnavana 26 studzienia 2009 hoda ŭ Bonie. Meta ahienctva — pašyreńnie vykarystańnia adnaŭlajemych krynic enierhii, u tym liku soniečnaj i vietravoj enierhii, a taksama daśledavańnie i raźvićcio takich krynic u pramysłovych krainach i krainach, što raźvivajucca.
Jak BiełaPAN paviedamlaŭ raniej, 10—12 lutaha S.Martynaŭ znachodzicca ź vizitam u Bierlinie. Zapłanavany jaho pieramovy z premjer‑ministram fiederalnaj ziamli Brandenburh Macijasam Płatcekam. Z kiraŭnictvam Uschodniaha kamiteta niamieckaj ekanomiki, pradstaŭnikami palityčnych i dziełavych kołaŭ Hiermanii kiraŭnik MZS Biełarusi abmiarkuje pierśpiektyŭnyja kirunki supracoŭnictva dźviuch krain z akcentam na handlova‑ekanamičny składalnik.
Aprača taho, prahramaj znachodžańnia praduhledžany vystupleńnie S.Martynava z dakładam u hiermanskim tavarystvie źniešniaj palityki pra budučaje dyjałohu Biełaruś—ES, a taksama sustreča ź viadučymi hiermanskimi ekśpiertami, pradstaŭnikami deputackaha korpusa i fiederalnych viedamstvaŭ.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary